Pezullimi i fluturimeve, Meta thirrje Ramës, Ballukut e përfaqësuesve të SHBA e BE: Të ulemi për një zgjidhje

Presidenti Ilir Meta ka ftuar publikisht kryeministrin Edi Rama, ministren e Infrastrukturës, Belinda Balluku, përfaqësues të SHBA e BE-së, si dhe  të Sindikatës së Kontrollorëve Ajrorë që të zhvillojnë një konferencë të përbashkët me qëllim zgjidhjen e situatës së krijuar prej ditës së djeshme pasi kontrollorët e Albcontrol kanë pezulluar punën në Rinas.

Nga Vlora, ndërsa e ka cilësuar tensionin artificial, Meta tha se i ka kërkuar qeverisë që të zgjidhë çështjen përmes dialogut.

"I ftoj kryeministrin, ministren, sindikatën , përfaqësuesit e vendeve të NATO-s, SHBA, BE dhe të institucioneve evropiane të kontrollit ajror, ndaj të cilave kemi detyrime, ambasadorët e huaj që të bëjmë konferencë online dhe ti japim zgjidhje situatës.

 Siç iu kam thënë edhe kontrollorëve, për shkak të pandemisë, duhet të jeni realist tek zgjidhja. Paga sa vendet e rajonit duhet të japim, që siguria kombëtare të mos cenohet. Gjithë tensioni është artificial, ndaj i ftoj të gjithë personat përkatës të bëjmë një konferencë.

I bëj thirrje kryeministrit në detyrë që ti thërras mendjes dhe nuk mund të bëjmë lojëra të tilla në një moment të tillë për arsyet që përmenda dhe nuk jemi në Amerikën Latine tani në disa dekada më parë”, deklaroi Meta.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm