Presidencë apo Agjenci Turistike?!, Begaj me 22 shoqërues kurse presidenti i Austrisë drejt SHBA me transport publik

Presidenti i vendit, Bajram Begaj ndodhet në Shtetet e Bashkuara të Amerikës, për të marrë pjesë në punimet e Organizatës së Kombeve të Bashkuara në New York.

Sikurse u pa, presidenti e kishte të nevojshme të shoqërohej nga shumë persona, ekzaktësisht 22 persona, nga këshilltarët tek gazetarë dhe specialistë të imazhit,(parukierja e zonjës së parë).

 Po ashtu, listës i ishte bashkangjitur dhe djali i Presidentit, Dorian Begaj, (ndoshta si suport ose ndoshta ka pasur dëshirë për të vizituar SHBA) . Mirëpo, lista e personave që marrin pjesë në delegacionin e të parit të shtetit përmban disa emra surprizë.

Ndër to edhe parukierja e gruas së Begajt, Lili Ismaili, e cila cilësohet si këshilltare e jashtme, por në rrjetet sociale shfaqet si kuruese e imazhit të 'Zonjës së Parë'.

Në listën e nxjerrë nga Presidenca shohim dhe Asllan Baraj dhe Zhaneta Hashorva, të cilët kanë shkuar në New York. Sipas listës, Baraj është Këshilltar i Jashtëm, por në faqen zyrtare të Presidencës emri i tij nuk figuron.

Ndërsa Zhaneta Hashorva është shoqëruesja e Zonjës së Parë. Por sipas një kërkimi shihet që Baraj dhe Hashorva janë çift dhe kanë një kompani së bashku me emrin “Euro Ceramica”.

(Lista është publikuar nga aktivisti Genc Sejko në rrjetet sociale).

Punonjësit e presidencës ndoshta janë lodhur duke bërë listën, pasi kanë bërë pjesë të saj dhe persona të cilët nuk punojnë më në këtë institucion.

"Alisa Demollari nuk është zëdhënëse e Presidentit të Republikës, ndaj prania e saj tek ajo lista e delegacionit të tullave dhe leshit është e pasaktë.

E bëj kët saktësim, sepse e di që Alisa nuk punon më aty, por edhe për shkak të faktit se sot dy persona të tjerë (që nuk ishin në listë) nxituan të më thonë se "nuk punojmë më aty", ka shkruar në Facebook, Ylli Manjani.    

     

Kjo listë nuk i ka shpëtuar as syrit të aktivistes Elona Caslli e cila në një postim në Facebook ngre pyetjen: Presidencë apo Agjenci Turistike?!

"Mënyra si trajtohen departamentet e Marrëdhënieve me Jashtë në institucionet shqiptare lë shumë për të dëshiruar. E ke të vështirë të bësh dallimin mes një agjencie turistike dhe një departamenti të Marrëdhënieve me Jashtë. Thënë shkurt,e ke të vështire të kuptosh në ke të bësh me një udhëtim në grup të organizuar nga një agjenci, apo me një grup njerëzish që përfaqësojnë një shtet në një aktivitet të nivelit ndërkombëtar."

Caslli teksa përmend emrat e tre prej personave në list shkruan se kjo është agjencia turistike presidenciale që mbahet nga taksapaguesit shqiptarë mes flokëve dhe tullave.

"Ajo çka t'i vret sytë dhe e redukton Presidencën në një Agjenci Turistike është prania e 3 emrave.

Lili Ismaili është një parukiere e njohur në kryeqytet. Përveç aftësisë si parukiere na rezulton se zonja në fjalë ka aftësi edhe si këshilluese për presidentin, pasi ka udhëtuar bashkë me të në cilësinë e këshilltares. Përveç këshillave presidenciale rezulton se Lili Ismaili kujdeset dhe për pamjen e zonjës së parë të vendit sistematikisht.

Pra, mjafton të krehësh flokët e zonjës së parë dhe përfaqëson Shqipërinë në punimet e Organizatës së Kombeve te Bashkuara si këshilltare e presidentit.  Meqënëse çështja e flokëve u sistemua, hidhemi te çështja e tullave. Dikush mund të pyesë me të drejtë se ç'hyjnë tullat në këtë  mes.

Asllan Baraj dhe Zhaneta Hashorva janë dy emra të tjerë të agjencisë turistike presidenciale.  Sipas listës Baraj është Këshilltar i Jashtëm, por  në faqen zyrtare të Presidencës emri i tij nuk shfaqet kund. Ndërsa Zhaneta Hashorva është shoqëruesja e zonjës së Parë. Rezulton se  Baraj dhe Hashorva janë çift dhe zotërojnë një kompani me emrin “Euro Ceramica”", përfundon aktivistja.

Paradoksi Begaj- Alexander Van der Bellen

Teksa Begaj merr me vete 22 këshilltar, duke shpenzuar kush e di sa lekë, një panoramë krejt ndyshe na vjen nga Presidenti i Austrisë, Alexander Van der Bellen.

Presidenti i Austrisë shfaqet duke udhëtuar me transport publik teksa shkruan: Në Nju Jork ashtu si në Vjenë apo gjetkë.

" Sot në Nju Jork ka të bëjë me 17 qëllimet e qëndrueshmërisë të ???????? Kombeve të Bashkuara. Objektivi numër 11 është: Qytete dhe komunitete të qëndrueshme - kjo është gjithashtu pjesë e faktit që të gjithë njerëzit duhet të kenë akses në sisteme transporti të sigurta, të përballueshme dhe të qëndrueshme."

Në Nju Jork ashtu si në Vjenë apo gjetkë...", shkruan në Fb ai.