Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Rama kërkon dialog me opozitën: Jepni ide si të zhvillojmë fushatën pa shtrënguar masat anti-Covid

Politiko 22 Shkurt 2021, 20:22
Rama kërkon dialog me opozitën: Jepni ide si të zhvillojmë
Kryeministri Edi Rama nga Rinasi

Kryeministri Edi Rama i ka shtrirë dorën e bashkëpunimit opozitës për të gjetur një rrugë të përbashkët për zhvillimin e fushatës elektorale deri në 25 prill pa shtrënguar masat anti-Covid.

Nisur nga fakti se shumë përfaqësues të partive politike i thyejnë masat e vendosura nga Komiteti Teknik i Ekspertëve, Rama ka kërkuar ballafaqimin e ideve të përbashkëta për mënyrën se si duhet të vijohet fushata elektorale, për të shmangur kështu edhe gjobat ndaj subjekteve politike dhe bizneseve ku mbahen takimet.

“Ata që u hapin dyert e lokaleve, nuk duhet ta hapin se ata paguajnë, janë ata që dëmtohen, rrezikojnë t’u mbyllet biznesi. Ata duhet ta refuzojnë. Kur mendon se presidenti babai i gjithë kësaj familje, rojtari i të gjitha palëve është i pari që jep shembullin katastrofik, kjo është fatkeqësi. Unë nga ana ime ju kujtoj kolegëve të mi që nuk na duhen ato që mbasin nga kontakti me më shumë se 10 vetë përballë shëndetit të njerëzve, në djall vafshin të gjitha, kjo është A-ja dhe ZH-ja. Ndaj personalisht nuk bëj kapërcime të kësaj vije.

Është një sfidë shumë e madhe se di si mund të realizohet në arenën politike që forcat kryesore ne garë të merren vesh që çfarë do bëjnë deri në 25 prill. Mos harroni se është automatike se çdo shtrëngim masash interpretohet si reagim diktatorial për të zvogëluar hapësirën e fitimtarëve që po vijnë për tu shtrirë në pallatin e perandorit.

Nuk është problemi i kostos personale, por i efektit. Jemi duke diskutuar për një rrugë që të merremi vesh duke iu referuar ekspertëve dhe duke marrë mendime të komitetet e ekspertëve, se me ndonjë përjashtim të ndëshkuar, përfaqësuesit e shumicës i respektojnë , le të flasin dhe të tjerë për një ide të përbashkët si do zhvillohet kjo fushatë, kush do jenë kornizat për komunikimin me publikut. Cdo gjë kontestohet për 1001 arsye, se në fushatë cdo gjë që ndodh tendenca është ta kthesh në favor dhe disfavor për kundërshtarin. Është vështirë ta frenosh po nuk pati konsensus”, tha kryeministri. 

 

Të fundit