“SPAK ka në dorë fijen”, Lala në ‘Politiko’: Dumani do të jetojë përjetësisht me plumbin, e ka në mushkëri

Gazetarja Klodiana Lala thotë se nëse SPAK ka vullnet t’u shkojë hetimeve deri në fund, mund të ndryshojë rrjedhën e historisë në këtë vend.

Ndërsa po diskutohet në ‘Politiko’ në Top News mbi dëshminë e Nuredin Dumanit, Lala tha se në këtë rast SPAK e ka kapur fijen dhe ky fakt del në pah për shkak se kriminelët sipas saj janë në alert.

“Dumani për mua është i besueshme. Takova nipin e njërit prej viktimave, është i njëjtë me atë që thotë Dumani. Gjendet edhe në dosje. Nuk ka marrë pjesë në ngjarje. Kam publikuar shumë video, dëshmi të Klevis Allës. Kam dalë në konkluzionin së dëshmitë përputhen.

A do ti shkojë deri në fund SPAK ? A do ndalet SPAK këtu?se behte fjalë për ngjarje më të rënda që Dukmani ka folur. A shtrihet plumbi i artë edhe në qytete tjera?

Dumani ka r me emra dhe shifra konkrete, banka konkrete e si janë bërë pagesat, drekat me eksponentë të politikës.

Nëse SPAK ka vullnet mund të ndryshojë rrjedhën e historisë në këtë vend. Grupet kriminale nuk qëndrojnë nëse nuk kanë mbështetjen e politikës. nëse SPAK nuk gjen fijen

SPAK ka fijen sot, nuk ka rëndësi kur ndodh, por është duke e tërhequr atë fije. Dëshmia e Dumanit tregoi se nëse SPAK hyn në veprim kriminelët janë sot në alert.

SPAK ka në dorë lëmshin, e ka kapur fijen. Emrat janë përmendur. Suel Cela është një nga protagonistët e ngjarjes në tregun ushqimor në Elbasan. Ervis Martinaj në masakrën e Bllokut. Sot Dumani po i jap SPAK plumbin e artë”, tha Lala.

Gazetarja zbardhi edhe një detaj mbi gjendjen e tij shëndetësore pas plagosjes. Sipas saj, nëse mjekët i heqin plumbin nga trupi, ai më shumë mundësi ndërron jetë.

“Në fakt, plumbin e vërtetë Dumani do e ketë në trup dhe do të jetojë përjetësisht me të. Mjekët kanë thënë se nëse ndërhyjmë ai ndërron jetë se e ka plumbin në mushkëri”, tha Lala.