Seanca e sotme në Kuvend ka nisur me akuzat e Enkeled Alibeajt ndaj ministres Etilda Gjonaj për ekstradimin e Seitajt drejt Italisë.
Mirëpo, ministrja për disa minuta, gjatë interpelancës, duke luajtur me fjalët nuk ka dhënë asnjë përgjigje të drejtpërdrejtë. Gjonaj ka folur për diplomën e saj dhe për motivimin politik kur ka marrë detyrën e ministres.
“Ju kërkoni një kauzë që nuk e keni, një konflikt që nuk e shmangni sot. Një arsyer të radhës për një sherr të radhës. Unë jam këtu sepse kam kauzën e kësaj qeverie, që është reformimi i drejtësisë. Ju jeni në konflikt me reformën në drejtësi. Diplomën e drejtësisë e kam por në këtë rast duhet vetëm një sens drejtësie. Ju keni frikë nga reforma në drejtësi”, u shpreh Gjonaj.
Më tej ajo i drejtohet opozitës duke i thënë se është frika nga drejtësia ajo që krijon sebepet për konflikt.
