Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Haradinaj kërkon përfshirjen e Merkelit dhe zbut qëndrimin për taksën: Dialogu me Serbinë nuk do të kushtëzohet

Politiko 15 Shkurt 2019, 20:09
Haradinaj kërkon përfshirjen e Merkelit dhe zbut qëndrimin

Presioni i gjithëanshëm duket se e ka detyruar kryeministrin e Kosovës, Ramush Haradinaj, që të zbusë qëndrimin e tij për taksën e vendosur ndaj produkteve serbe. Pas takimit që zhvilloi edhe ministrin e Jashtëm gjerman, Heiko Maas, në Mynih, Haradinaj tha se dialogu me Serbinë nuk duhet të kushtëzohet dhe se taksa mund të diskutohet midis palëve.

“Unë mendoj që nuk duhet të kushtëzohet dialogu, pra duhet të ulemi në tavolinë. Mund të dialogohet edhe për taksën, por edhe për tema tjera”, u shpreh kreu i Qeverisë për mediat.

Duke përsëritur se Berlini është kundër ndryshimit të kufijve, kryeministri Haradinaj kërkoi përfshirjen e kancelares Angela Merkel, në krah të presidentit amerikan, Donald Trump, në arritjen e marrëveshjes përfundimtare me serbët.

“Berlini është jashtëzakonisht i saktë, i qartë, pra është kundër idesë së lëvizjeve të kufijve, ose ndërrimit të territoreve. E mendojnë se është rrezik për stabilitetin e krejt rajonit, jo vetëm të marrëdhënieve Kosovë-Serbi. Ndoshta është momenti që Berlini zyrtar të marrë iniciativën dhe t’i ndihmojë palët.. Unë kam pritur dhe e mirëpres një energji të re nga Uashingtoni, mendoj se janë dy energji të nevojshme. Zgjidhja ideale do të ishte presidenti Trump dhe kancelarja Merkel. Këta dy liderë mund t’i përmbyllin çështjet e mbetura në Ballkan”, ka thënë Haradinaj.

Ndërkohë, grupi negociator i Kosovës ka prezantuar sot platformën e dialogut me Serbinë.

Parimi i parë i platformës thekson se "qëllimi kryesor i Republikës së Kosovës është që nga Republika e Serbisë të sigurojë njohjen dhe pranimin e qartë të sovranitetit të Kosovës, si shtet i pavarur, me zotime ligjërisht të detyrueshme”, duke vazhduar më tej se "nuk do të ketë marrëveshje për asgjë deri sa të mos ketë marrëveshje për gjithçka”.

Platforma kërkon zgjidhjen e të gjitha çështjeve të hapura me Republikën e Serbisë, duke përfshirë:

(a) heqjen e të gjitha pengesave të mbetura ndaj ushtrimit të pavarur të kompetencave sovrane të qeverisjes, në përputhje me parimet e mos-intervenimit dhe mos-ndërhyrjes;

(b) avancimin e të drejtave të komunitetit shqiptar që jetojnë në Republikën e Serbisë, në reciprocitet të plotë me komunitetin serb në Republikën e Kosovës;

(c) promovimin e respektimin nga të gjitha palët e së drejtës ndërkombëtare për të drejtat e njeriut dhe refugjatët, së bashku me standardet përkatëse ndërkombëtare të qeverisjes demokratike, llogaridhënëse dhe transparente;

(d) krijimin e mekanizmave të përshtatshëm për të adresuar krimet e luftës, shkeljet e të drejtave të njeriut dhe drejtës humanitare, përfshirë zbardhjen e fatit tё tё pagjeturve, si dhe reparacionin.

-Kush është Beqë Cufaj; ambasadori i Kosovës në Berlin që u vlerësua edhe nga serbi Vuçiç

-Të gjithë në Mynih të Gjermanisë, përveç Edi Ramës

Të fundit