Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Java në GIF/ Rama dhe Dako në WTF: 'Gruas time i ha atë...'; 'Burra shqiptarë jemi, hamë dhe dreka'

Politiko 3 Shkurt 2019, 10:09

Ina Xhani

Sipas një studimi, mbyllja e Facebookut të bën me të lumtur, por edhe më pak të informuar. Pra Facebook-u qenka si lajmet në Shqipëri. Nëse nuk i ndjek mund të jesh i/e qetë mendërisht, por humbet ‘perla’ të tilla...

Gjuha jonë zyrtare

Kryeministri Edi Rama ka fyer nga foltorja e Kuvendit ish-kryeministrin Sali Berisha, pasi ky i fundit e pyeti nëse bashkëshortja e tij Linda Rama është apo jo aksionere e “Abi Bank”: Gruas time dhe familjes sime ti i ha atë që s’thuhet. Nga ana tjetër, Berisha iu përgjigj: Je një copë fundërrinë që u merr shokëve gratë, ti shkel çdo moral mor horr, njeri që s’njeh normë morale, mohon djalin tënd, ke akuzuar babën për përdhunues”, u shpreh Berisha.

Në seancën parlamentare të së enjtes, foli edhe deputeti i LSI, Petrit Vasili: Pse ndërhyn, pusho mos më çaj trapin. Ulu mor skizofren, ik mos më çaj dërrasat.

The miseducation of Mona

“Kësaj zonjës që nuk e di ku e ka shpinë mësoi se ka disa rregulla. Mësoi se ka disa rregulla në Shqipëri, dhe ne i respektojmë njerëzit dhe institucionet edhe kur jemi armiq. Kur vjen përballë një institucioni duhet të vish dhe duhet të sjellësh në mënyrë dinjitoze. Halabake rrugësh që e kthejnë në institucionin e parlamentit në institucione orgjish, ki kujdes se nuk do të falin gratë e vajzat në parlament”, u shpreh Monika Kryemadhi në foltoren e Parlamentit (gjoja duke treguar për nga Ministrja e Arsimit Besa Shahini).

Dita kur etika e kishte pushim

Pastaj kujtohesh që zonja që mban leksione mbi respektin dhe institucionet, është e njëjta që hedh këpuce në mes të Parlamentit.

Media, armiku i përbashkët

Kryeministri Rama ka reaguar pas publikimit të përgjimeve të reja nga Zëri i Amerikës ku implikohen politikanët, përfshirë Vangjush Dako, në blerjen e votave gjatë zgjedhjeve. Rama e ka cilësuar sërish VOA-n me etiketimin ‘kazan’, ndërsa sipas tij për të vërtetuar se përgjimet nuk qëndrojnë, pret një telefonatë nga Shtëpia e Bardhë.

Në rënie të lirë

Shqipëria është përkeqësuar sa i përket nivelit të lartë të korrupsionit. Në raportin e publikuar nga “Transparency International” për 2018-ën, Shqipëria renditet në vend të 99 nga 180 shtete të analizuara. Krahasuar me një vit më parë, Shqipëria në raportin e “Transparency International” renditej në vendin e 91 me 38 pikë. Ky raport ka ardhur duke u përkeqësuar pasi në vitin 2016 renditej në vendin e 83-të.

Përralla me dentistë

“Në Shqipëri shërbimi i dentistrisë është i vetmi që në 20 vjet s’ka asnjë qindarkë rritje,” u shpreh presidenti i Urdhërit të Dentistëve të Shqipërisë Nikoll Deda në emisionin ‘Kafein’.

Njerëz jemi, dreka hamë

“Ju e dini si janë drekat e burrave shqiptarë, ulemi dhe bëjmë gëzuar, 10 veta.” Kështu u përpoq të justifikonte kryebashkiaku i Durrësit, Vangjush Dako, drekat me anëtarët e 'bandës Avdylaj', e goditur vitin e kaluar nga Policia e Shtetit.