Në Partinë Socialiste kanë nisur tentativat për të zbutur sadopak në opinionin publik efektet e skandalit të Valdrin Pjetrit. Mazhoranca duket e gatshme të artikuloje teza të ndryshme, vetëm që të mos pranojë përgjegjësitë e saj për kandidimin e një personi me të kaluar kriminale, siç pretendon Partia Demokratike.
- Rama shmang kritikat në Facebook, qëndrimin e publikon në Twitter
Edi Rama preferoi të reagonte në Twitter mbi skandalin para dritares se tij te preferuar të Facebook-ut. Jo pa qëllim, pasi rrjeti i parë social është më pak i përdorur nga shqiptarët dhe në këtë mënyrë iu shmangej komenteve kritikuese. Në Twitter, ai ka rreth 337 mijë ndjekës, krahasuar me 1 milionë e 168 mijë në Facebook.
- Distancim, por jo pranim të përgjegjësive
Kryeministri Edi Rama dhe kreu i grupit parlamentar, Taullant Balla, pas zbulimit të skandalit, u distancuan menjëherë nga kandidati i tyre i përkëdhelur, siç e quan gazeta Dita, duke ia kaluar përgjegjësinë tani më Prokurorisë së Përgjithshme.
“E me këtë rast, të tërë ta fusin mirë në kokë: Unë s’kam ndërmend të toleroj askënd dhe as të marr përsipër raportin individual me ligjin të askujt! Shkoj në luftë për çdo ide, qëllim a shok armësh, po kosto veprimesh individuale të dyshuara si ky, as marr më, as lejoj më t’i marrë PS!”, shkruante Rama.
“Përtej dëshirës sonë që e drejta të jetë në anën e tij, Partia Socialiste garanton opinionin publik dhe komunitetin e nderuar të Bashkisë së Shkodrës, se përtej çdo interesi partiak, politik apo individual, do të qëndrojë edhe në këtë rast në anën e ligjit dhe të interesit publik”, shfajësohej Balla.
- Shpërqendrimi të vëmendjes së opinionit publik
Pavarësisht përmasave të skandalit, çështja “Pjetri” po mbulohet me aksionin e nisur së fundmi nga tatimet dhe me “Teatrin Kombëtar”. Si kryeministri Edi Rama, ashtu edhe zv/kryeministri Erion Braçe e kanë fokusuar të gjithë vëmendjen të dy çështjet e lart-përmendura.
- Teza e zgjedhjeve të parakohshme
Sapo doli lajmi, mediat pranë qeverisë artikuluan në publik tezën e zgjedhjeve të parakohshme vendore në Shkodër. Një mënyrë për të treguar se jane te gatshem te heqin dore pa rezistence nga një kandidati i dënuar në Itali për trafik drogë, nëse akuzat e PD rezultojnë të vërteta.
- Pjetri vë në vështirësi PS, tre skenarë të mundshëm për Bashkinë e Shkodrës
- Gazeta e majtë sulmon Ramën: E dije të kaluarën kriminale të Pjetrit në Itali
Financuar Nga Bashkimi Europian
