Flash News
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
KED pranon argumentin e Metës, rrëzon kërkesën e Dvoranit: Nuk është më pjesë e jona!
Këshilli i Emërimeve në Drejtësi ka vendosur të mos marrë parasysh kërkesën e Ardian Dvoranit për t’u rikthyer në detyrën që mbante në këtë institucion, para se Këshilli i Lartë Gjyqësor të shpallte mbarimin e mandatit të tij si anëtar i Gjykatës së Lartë.
Përmes një njoftimi të publikuar në faqen zyrtare të këtij institucioni, KED lajmëron se: “Nuk hyn në veprimtarinë dhe kompetencën e Këshillit të Emërimeve në Drejtësi, vendimmarrja e kërkuar me anë të “Njoftim Qëndrimi“ të përcjellë nga Z. Ardian Dvorani”.
Kështu, Këshilli i Emërimeve në Drejtësi ka pranuar argumentin e Presidentit Ilir Meta se Dvorani nuk mund të jetë më pjesë e këtij institucioni të rëndësishëm.
Më 21 gusht, nëpërmjet një letre publike drejtuar anëtares së Gjykatës Kushtetuese, Vitore Tusha, e cila aktualisht drejton edhe KED-në, Dvorani kërkoi rikthimin në Këshillin e Emërimeve të Drejtësisë.
“Kalimi nga anëtar i Gjykatës së Lartë në Gjykatën Administrative të Apelit nuk përbën pengesë. Mandati im si anëtar i Këshillit të Emërimeve në Drejtësi është deri në fund të vitit 2020”, shprehej Dvorani në letër.
Ardian Dvorani u largua nga detyra si kryetar i KED nga Këshilli i Lartë Gjyqësor, pasi i kishte mbaruar mandati, por vazhdonte të qëndronte, me pretendimin se nuk i ishte gjetur zëvendësuesi.
[caption id="attachment_414294" align="alignleft" width="405"] Letra e Dvoranit drejtuar Vitore Tushes[/caption]