Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

KRYESORE

Kërkoi azil politik në Zvicër pas kërcënimeve me jetë, Tufa: U kërkova ndihmë ambasadave, por nuk m'u përgjigjën

Politiko 10 Dhjetor 2019, 17:04
Kërkoi azil politik në Zvicër pas kërcënimeve me

Pas dorëheqjes si kreu i Institutit për Studimin e Krimeve dhe pasojave të Komunizmit në Shqipëri (ISKPK), Agron Tufa arsyetoi përmes një letre se shkak i këtij vendimi kanë qenë kërcënimet e shumta që ka marrë me mesazhe në rrjetet sociale.

Tufa u largua disa ditë më parë nga Shqipëria për tu vendosur në Francë ku ka kërkuar azil politik.

Në një reagim për DW, Tufa u shpreh se në fillim të nëntorit i kishte raportuar kërcënimet edhe tek një sërë ambasadash perëndimore:

"Unë u kam dërguar të gjitha ambasadave kryesore në Tiranë, përfshirë edhe asaj të OSBE-së dhe BE-së, një raport me 16 faqe me një kronologji të kërcënimeve të mia, ku ishin dokumentuar edhe mesazhet kërcënuese, në shqip dhe anglisht, por ato nuk më kanë kthyer asnjë përgjigje”, i tha Tufa Deutsche Welle-s.

E pyetur nga Deutsche Welle, Ministria e Punëve të Jashtme të Gjermanisë,u përgjigj:

 "Ambasada në Tiranë ka qenë në kontakt me personin në fjalë në funksionin e tij si drejtues i Institutit në fjalë. Deri tani nuk ka pasur kërkesë për ndihmë."

Edhe Politiko.al e pyeti disa ditë më parë zotin Tufa se si qëndron e vërteta e largimit të tij nga Shqipëria.

“Prej qejfit nuk kam ikur. Aspak”, tregoi shkurtimisht Tufa.

Kërkoi azil politik në Zvicër, flet Agron Tufa: Braho më doli kryqas në udhë me ushtrinë e ‘urithëve’ të diktaturës

Të fundit