Flash News

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

KRYESORE

Koment/ Përballë kaçakëve të Bastias

Politiko 13 Prill 2017, 15:18
Koment/ Përballë kaçakëve të Bastias

Albina Deda

Në 8 javë protestë së bashku kemi treguar jo vetëm vullnet e vendosmëri por dinjitet dhe qytetari. Kjo çadër është kthyer log kuvendi e beslidhje si një nga historitë e traditës historike më të mirë të kombit tonë. Në histori kuvende të tilla kanë prodhuar ngjarje madhore të cilat kanë ruajtur ekzistencën tonë. Kuvende të tilla kanë mbrojtur lirinë e kanë dhënë kushtrime për bashkim kundër pushtimit.

Edhe sot ky kuvend po kthehet në misionar i lirisë. Edhe sot ky vend është pushtuar nga krimi pushtetar arroganca dhe kleptokracia të cilat kanë rrudhur lirinë dhe degraduar demokracinë. Përballë këtij kuvendi qytetarësh të ndershëm krenarë e guximtar ndodhet Bastija ku është strehuar një çetë hajdutësh e të pafytyrësh qeveritare! E popujt në histori kanë treguar se kur bashkohen e drejtmotivohen I shembin deri në themele Bastijat. E ato shemben me frymë e kurajo liberatore e cila jep revolucione të cilat ndryshojnë junta ,regjime, shembin dinasti duke i dhënë sovranit pushtet, liri e prosperitet!

Ne jemi të djathtë e paqedashës, jemi konservatore e parimet e demokracisë e normat e saj i kemi të shenjta dhe nuk e njohim revolucionin e dhunës si kaçakët e Bastijës përballë. Por mos harroni se ne dominohemi nga krenaria e dinjiteti dhe nuk pranojmë kurrë arrogancen e krimit dhe dhunen e pushtetit. Ndaj askush nuk na ndalon të apelojmë për Revolucionin e shpresës në emër të lirisë e jetës! Këta banor të zi të Bastisë fatkeqësisht nuk janë vetëm grosistë të drogës por shumica prej tyre janë të droguar. Ndaj nuk e ndjejnë jo vetëm përgjegjësinë por janë kthyer në paranojakë e mitomane.

Të tillë pacientë duan kurim e që të bëhet kurimi duhet një orë e më parë largimi. Ne e dimë se lufta me pirate e kaçakë të tillë kriminele si dhe të suportuar nga klanet me mafiozë dhe gjakatarë kriminelë nacional e kontinental nuk është e lehtë. Kjo luftë na e merr kohën por na e shton motivimin e vendosmërinë. Sot vendi është de facto pa qeveri. Ajo godinë është zyra biznesi kriminal ku nuk jetojnë shtetare por tregtare kontrabandistë. Ne me ju qytetare të lirë do ta shembim piramiden e krimit. Do të instalojmë Republiken e re përmes votës së lirë. Une jam deputete e Mirditës. Ndër shekuj vendlindja ime është pagëzuar si Republikë e qëndresës e krenarisë. Fatkeqësisht sot Mirdita është shndërruar në hambar të hashashit e paralelisht në vendin më të varfër e më të vobektë. Se krimi e droga janë shtrati i varfërisë për shumicen.

Në 4 vite për mirditorët nuk janë investuar asnjë qindarkë përveçse miliona lekë për të shndërruar qendren e qytetit në beton ku po varroset gjelbërimi dhe indentiteti i qytetit. A do ambientohet Mirdita dhe Shqipëria me këtë situatë në kufijtë ekstremë të mbijetesës?

Jo kurrë!

Kurrë!

Largimi i Edi Ramës përveç  të tjerave është çeshtje dinjiteti për shqiptarët.

Të fundit