Flash News

Thyen arrestin, vjedh makinë dhe arratiset si në film, kapet hajduti serial nga Tirana!

Emri/ Mashtroi klientët dhe i mori paratë, shpallet në kërkim avokatja

Goditet grupi kriminal, trafikonte d*ogë nga Spanja drejt Finlandës, ‘kokat’ e grupit ishin shqiptarë

Shpëtoi nga mbytja në Durrës, flet 31-vjeçarja angleze: U përmbysëm në çast, shoku im mbeti poshtë mjetit

Shkak mungesa e avokatëve/ Shtyhet sërish seanca për 'Plumbin e Artë'

Kosova

Konstituohet Kuvendi i ri i Kosovës, çfarë u vu re gjatë seancës; Kurti pret ftesën për formimin e qeverisë, flet për ministrat

Politiko 22 Mars 2021, 12:30
Konstituohet Kuvendi i ri i Kosovës, çfarë u vu re gjatë
Kuvendi i Kosovës

Sot në Kosovë u zhvillua seanca e parë në Kuvend, pas zgjedhjeve të 14 shkurtit. Pra u konstitua legjislatura e tetë e Kuvendit të Kosovës. Kjo i hapë rrugë edhe formimit të qeverisë Kurti dhe zgjedhjes së Presidentit të ri.

Kryetar i Kuvendit u zgjodh Galuk Konjufca nga radhët e Lëvizjes Vetëvendosje. Me zgjedhjen në krye të kuvendit, Konjufca merr edhe postin e ushtruesit të detyrës së presidentit.

Gjithashtu u zgjodhën edhe nënkryetarët. Nga LVV nënkryetare e Kuvendit është zgjedhur Saranda Bugujevci, nga PDK-ja Bedri Hamza dhe nga LDK-ja Kujtim Shala. Nënkryetar nga radhët e komunitetit serb është zgjedhur Slavko Simiq, ndërsa nga komunitetet e tjera është zgjedhur Bekim Arifi.

Kuvendi fillimisht miratoi raportin e Komisionit të përkohshëm për verifikimin e kuorumit dhe mandateve. Të pranishëm në sallë në seancë ishin 114 deputetë, nga kuvendi prej 120 ulësesh. Pas verifikimit të mandateve, deputetët bën betimin.

Një detaj që ra në sy gjatë seancës së parë të kësaj legjislature ishte veshja me të bardha e të gjitha deputeteve te LVV, që simbolizonte se sot është një ditë e bardhë për Kosovën. Ajo çka u vu re tjetër, është vendosja e flamurit kombëtar "kuq e zi" nga grupi parlamentar i LVV gjatë betimit të tyre për deputetë.

Konstituohet Kuvendi i ri i Kosovës, çfarë u vu re gjatë

Konstituohet Kuvendi i ri i Kosovës, çfarë u vu re gjatë

Në përfundim të seancës kreu i LVV, Albin Kurti dha një prononcim për mediat, ku tha se pret ftesën për formimin e qeverisë. I pyetur për emrat e ministrave, ai tha së shumë shpejt do të bëhen publike edhe për mediat.

“Unë pres prej tij që të më sjellë ftesën për formimin e qeverisë si mandatar i ardhshëm dhe më mas do të ndjekim të gjithë hapat ligjore. Emrat e ministrave unë i di dhe së shpejti do t’i merrni edhe ju vesh”, u shpreh Kurti.

Të fundit