Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Pas mbylljes së pikave kufitare, sulmohet me armë zjarri policia e Kosovës

Politiko 10 Dhjetor 2022, 20:30

Pas mbylljes së pikave kufitare, sulmohet me armë zjarri policia e

Policia e Kosovës në afërsi të Ujmanit, që të çon drejt pikës kufitare të Bërnjakut, është sulmuar me armë zjarri.

Policia njofton se ka qenë një grup nga personat të cilët kanë bllokuar rrugët, që kanë qëlluar me armë në drejtim të policisë. Sipas policisë, efektivët janë kundërpërgjigjur në shenjë vetëmbrojtje dhe personat janë larguar.

Deri tani nuk ka asnjë informacion nëse nga të shtënat ka mbetur i lënduar ndonjë person.

“Persona nga grupe të caktuara kriminale të cilat kanë kryer bllokimin e disa rrugëve në veri të vendit, nga lokacione të ndryshme, në tri raste kanë shtënë me armë zjarri në drejtim të njësiteve policore të cilat kanë qenë në detyrë zyrtare në afërsi të pendës së liqenit të Ujmanit, në rrugën që shpie në drejtim të Pikës Kufitare të Bërnjakut.

Njësitet policore, në vetëmbrojtje janë detyruar t’iu kundërpërgjigjen me armë zjarri personave/grupeve kriminale, të cilat janë zmbrapsur dhe larguar në drejtim të panjohur. Po ashtu bazuar në informacionet e siguruara nga njësitet policore në terren, në disa lokacione të ndryshme, janë dëgjuar po ashtu të shtëna me armë zjarri.

Deri më tani nuk ka ndonjë informacion zyrtar për ndonjë person të lënduar apo dëme të mundshme të shkaktuara. Policia e Kosovës mbetet e përkushtuar në realizimin e detyrave dhe autorizimeve ligjore në interes të ruajtjes së sigurisë publike dhe rendit kushtetues”, thuhet në njoftim.

Të fundit