Mbrojtja e të drejtave dhe pronës së minoritetit kombëtar grek është kusht paraprak i Greqisë për çeljen e negociatave të Shqipërisë me Bashkimin Europian.
Kështu është shprehur kryeministri grek Kyriakos Micotaqis në një letër drejtuar shoqatës OMONIA.
Në letër Micotaqis thekson përkushtimin e shtetit fqinj dhe të tijin personal për të mbrojtur të drejtat e minoritetit grek.
“Shqetësimi kryesor i qeverisë greke dhe i imi personal është mbrojtja me efikasitet i të drejtave minoritare dhe të pronës të minoritetit kombëtar grek në Shqipëri, çka edhe përbën kusht paraprak për hapjen e negociatave të integrimin të Shqipërisë në Bashkimin Europian”, shkruan kryeministri I Greqisë.
Micotaqis e mbyll letrën duke thënë se Greqia do të jetë gjithmonë në krah të minoritetit helen duke e mbështetur atë por edhe për të përmirësuar marrëdhëniet greko-shqiptare në përgjithësi.
Discussion about this post