Afera McGonigal, Washington Post: Ish-agjenti i FBI u pagua nga Agron Neza për të goditur kundërshtarët e Ramës

Ish-shefi i kundërspiunazhit të FBI-së, McGonigal, do të pranojë fajësinë për komplotin e pagesës qw sipas akuzës ai ka marrë 225 mijë dollarë nga një ish-punonjës i inteligjencës shqiptare, ndërsa ishte ende në FBI.

Ai më parë u deklarua fajtor për ndihmën e një oligarku rus, Oleg Deripaska, të cilin ai e hetoi.

Në një artikull të Washington Post thuhet se në një nga aktakuzat e ngritura në Uashington,  McGonigal akuzohet për fshehjen e pagesave prej 225,000 dollarësh që ai dyshohet se kishte marrë nga Personi A, i përshkruar në dokumentet e akuzës si një person nga Nju Xhersit i punësuar dekada më parë nga një agjenci e inteligjencës shqiptare, dhe që The Post ka raportuar se është Agron Neza. 

Akuzohet gjithashtu McGonigal se ka vepruar për të çuar përpara interesat e personit A që të paktën nga gushti 2017 dhe ka vazhduar pas daljes në pension të tij nga FBI, ndërkohë që nuk ka zbuluar marrëdhënien, si dhe një "marrëdhënie të vazhdueshme me kryeministrin e Shqipërisë", Edi Rama.  Sipas aktakuzës, McGonigal mori 225,000 dollarë në para nga personi A në fund të vitit 2017.

Muaj më vonë, FBI me nxitjen e McGonigal hapi një hetim ndaj një lobisti amerikan për partinë kryesore politike opozitare të Ramës në Shqipëri, një hetim që përdorte personin A si burim informacioni, pretenduan prokurorët.

Në një udhëtim të veçantë në Austri në vitin 2017, McGonigal dhe një prokuror i Departamentit të Drejtësisë intervistuan një politikan shqiptar të cilit McGonigal i ishte prezantuar nga Personi A, dhe i cili donte që dikush të hetonte një kërcënim me vdekje, të akuzuar në aktakuzë.

Padia e Uashingtonit, DC të Charles McGonigal

Një vit më pas, McGonigal dyshohet se i kërkoi ndërlidhësit të FBI-së me Kombet e Bashkuara të organizonte një takim me ambasadoren e atëhershme të SHBA, Nikki Haley , ose një zyrtar tjetër të lartë, si dhe një ish-ministër boshnjak të mbrojtjes dhe themelues të një kompanie farmaceutike boshnjake.

Aktakuza thoshte se takimi do të kishte përfituar nga personi A, dhe në atë kohë McGonigal sugjeroi që kompania farmaceutike t'i paguante gjysmë milioni dollarë një kompanie të regjistruar te Personi A për organizimin e takimit.

Në seancën e tij për pranimin e fajësisë në Nju Jork, McGonigal tha: “ E kuptova se çfarë rezultuan veprimet e mia dhe jam thellësisht i penduar për këtë” Duke u përballur me dënimin  më 14 dhjetor, ai shtoi  se: “Unë paraqitem para jush në këtë gjykatë për të marrë përgjegjësinë e plotë pasi veprimet e mia nuk synonin kurrë të lëndonin Shtetet e Bashkuara, FBI-në, familjen dhe miqtë e mi”.