Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

KRYESORE

I shpërfillur nga Rama, Veliaj i shkon pas në Milano

Politiko 25 Maj 2024, 15:47

I shpërfillur nga Rama, Veliaj i shkon pas në Milano

Krisja mes Ramës dhe Veliajt u duk qartë pas arrestimit të ish-drejtorëve të Bashkisë së Tiranës në kuadër të dosjes “5D”. Pas paraqitjes së kryebashkiakut në SPAK, Rama i drejtoi një mesazh të fshehtë kur tha se çdo zyrtar i korruptuar në radhët e PS që ndeshet me ligjin, nuk e shpëton as ai as partia.

“Jo po nuk kam bërë asgjë, po më bien në qafë. Nëse nuk ke bërë asgjë nuk të mbaj as unë as PS, por e vërteta. Prandaj lufto për të vërtetën tënde”, tha Rama gjatë mbledhjes së grupit.

Mirëpo, teoritë e vetëmbrojtjes që Rama i servir publikut për të shfajësuar veten se gjoja socialistët e korruptuar “kanë ngrënë dardha pas shpinës së tij”, janë bërë një refren i njohur. Sa herë që një ish-zyrtar i PS bie në pranga, Rama e fton të vetëmbrohet pa dhënë koment për korrupsionin dhe vjedhjet.

Pavarësisht marrëdhënies së krisur, Veliaj ka konfirmuar se i është bashkuar Ramës në takimin me diasporën shqiptare që Rama do të mbajë nesër në Milano.

Në një postim në platformën “X”, Veliaj ka ndarë foto rrugës për në Milano teksa shkruan: “Rrugës për Milano ku të gjithë shqiptarët e Italisë së Veriut po përgatiten të presin KM @ediramaal siç i ka hije vendit që eshte ne cdo kopertinë e lajm për turizmin e transformimin urban. Rrugës takova një shoqe te vogël qe do behet piktore e madhe, dhe ca shoqe te mëdha qe ne te voglën e tyre ne agroturizëm, meësimdhënie e balet i shtojnë çdo dite reputacionin vendit!”.

Epo, Veliaj ia ka bërë “qokën” Ramës, por nuk dihet nëse kryesocialisti do të mbulojë krisjen mes tyre me një fjalim të gjatë ose shtrëngim duarsh me Lalin. Apo nëse do ta lërë në hije ashtu siç bëri edhe në ceremoninë e dekorimit të Ali Ahmetit “Qytetar Nderi i Tiranës”.

Të fundit