Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

KRYESORE

Po tavanin e “boom-it” ekonomik, a do ta prekim zoti Kryeministër?

Politiko 3 Tetor 2023, 19:41

Po tavanin e “boom-it” ekonomik, a do ta prekim zoti

“Nëse Tetori, Nëntori apo Dhjetori do jetë një muaj surprizues pozitivisht në këtë trend, ne mund të arrijmë dhe 10 mln turistë, megjithatë ne do e prekim tavanin e 10 milionëve, duhej kurajo shumë me e madhe për ta thënë vite më parë. S’besoj se kanë qenë shumë ata që e kanë imagjinuar se mund të ndodhte në një kohë relativisht të shkurtër.”

Kështu deklaroi kryeministri Edi Rama sot gjatë prezantimit të bilancit për këtë sezon turistik, teksa foli me superlativa edhe për planet e së ardhmes. Kryeministri shprehu dëshirën që Shqipëria të mos shihet më si “low cost”, por të fokusohet tek turistët që kanë para, pasi sipas tij sjellin më shumë të ardhura.

Por, pavarësisht se vendi ynë ashtu sikurse kreu i qeverisë shprehet, njohu një “boom turistik” këtë sezon veror, kjo nuk u përkthye në të ardhura.

Një analizë e BIRN mbi raportin turist-të ardhura, tregonte se bumi turistik s’kishte asnjë lidhje me bumin ekonomik, që për Shqipërinë nuk ekziston, edhe pse planet e Ramës flasin për të prekur tavanin e 10 milionë turistëve.

Prodhimi i Brendshëm Bruto në Shqipëri u rrit me 3.23% në terma realë, në tremujorin e dytë të këtij viti ndërsa deklaratat e qeverisë për bum turistik me rritje mbi 50% në numrin e turistëve apo në numrin e netë-qëndrimeve duket se nuk përputhet me rritjen ekonomike reale as të turizmit dhe as të ekonomisë në tërësi.

Rritja ekonomike prej 3.23% në tremujorin e dytë 2023 pason rritjen 2.72% në tremujorin e parë. Të dyja shifrat janë më të larta se sa parashikimi për rritjen ekonomike vjetore të Shqipërisë nga Fondi Monetar Ndërkombëtar, por ndjeshëm më të ulëta se sa potenciali i zhvillimit. Sipas FMN-së, ekonomia shqiptare pritet të rritet këtë vit me 2.25% ndërsa potenciali i rritjes së Shqipërisë vlerësohet në 4.5%. Ekonomia shqiptare është rritur nën potencial tashmë prej më shumë se një dekade.

Korrupsioni, keqqeverisja dhe mungesa e atyre që në gjuhën e FMN-së njihen si “reforma strukturore” besohet se janë shkaku i rritjes më të paktë se sa potenciali zhvillimor. Potenciali i rritjes llogaritet duke marrë parasysh faktorë të shumtë, përfshirë nivelin e ulët ekonomik, burimet natyrore, fuqinë punëtore të disponueshme e të tjera.

Që do të thotë se para se Rama të flasë për 10 milionë turistë, do të duhet të zgjidhë korrupsionin dhe keqqeverisjen e Rilindjes. Sepse fundja këta miliona turistë që Rama i ka numëruar me “laps e letër” nuk i kanë sjellë gjë ekonomisë shqiptare ose të paktën jo aq sa janë pritshmëritë.

Ndaj ia vlen t'i drejtohemi me një pyetje: po tavanin e "boom-it" ekonomik, a do ta prekim zoti Kryeministër?

Të fundit