Ministri i Jashtëm i Rusisë, Sergei Lavrov, ka shpresë se marrëveshja bërthamore midis Iranit dhe fuqive botërore do të vazhdojë që të mbetet. Shteti iranian mund të ndryshojë qëndrim, pas tërheqjes së Uashingtonit nga marrëveshja në maj të vitit të kaluar. Për më tepër që janë rikthyer sanksionet kundër Iranit.
Kushtet e marrëveshjes së vitit 2015 nuk ia kanë dalë të imponojnë Iranin që të ndalë zhvillimin armëve bërthamore. SHBA ka akuzuar autoritetet iraniane se po përpiqen të zhvillojnë raketa balistike, me kapacitet për të bartur koka bërthamore, por këta të fundit mbrohen se programi i tyre bërthamor ka qëllime paqësore.
“Pavarësisht veprimeve të Uashingtonit që janë absolutisht të papranueshme, marrëveshja nuk e ka humbur rëndësinë e saj. Tani që ajo është shpërbërë ose është afër shpërbërjes, unë shpresoj se mund të ruhet. Kam shpresë se akordi mes palëve do të vazhdojë”, tha Lavrov.
Discussion about this post