Ndalimi i 4 personave për grabitjen në Rinas, reagon Rama: Zhvillim inkurajues në rrugën e ndëshkimit ligjor

Pasi Policia e Shtetit konfirmoi ndalimin e 4 personave që kanë lidhje me grabitjen e 9 prillit në Rinas, vjen reagimi i kryeministrit Edi Rama.

Në një postim në twitter, Rama e cilëson një zhvillim inkurajues në rrugën e ndëshkimit ligjor të autorëve të krimit.

“Ndalimi i 4 personave të përfshirë në grabitjen e aeroportit,një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit. Policia e Shtetit duhet të provojë përditë se sa më shumë sulmohet e baltoset,aq më shumë rritet forca e saj goditëse”, shkruan Rama.