Koronavirus është kthyer në një rrezik për jetën e njerëzve. Në provincën Hubei në Kinë, numri i viktimave të virusit deri dje shkoi në 41.
1287 persona janë prekur, ndërkohë që vendi po kalon momente të vështira kur është bërë gati për të festuar Vitin e Ri Hënor, e cila është një ndër festat më të rëndësishme.
Si pasojë 15 qytete në Kinë janë izoluar. Në disa zona njerëzit janë mbyllur nëpër banesa, dhe nuk kontaktojnë me askënd.
Qyteti i Wuhanit me 11 milionë banorë është bërë ‘i padukshëm’. Ndërkohë që për disa ditë në dyqane pati dyndje të njerëzve që merrnin ushqime për të qëndruar gjatë në izolim.
Një shtetase amerikane që jeton atje nuk ka mundur të largohet por ka publikuar pamjet nga rrugët dhe sheshet e Wuhanit ku askush nuk lëviz.
Fotot e realizuara prej saj, jane publikuar nga mediat britanike.
Tashmë, veç Kinës, rastet e infektuara nga virusi vdekjeprurës, me burim në Wuhan, janë konfirmuar edhe në vende të tjera të botës.
Sipas CNN, dje Australia, Malajzia dhe Nepal raportuan rastet e tyre të para të konfirmuara të koronavirusit Wuhan.
