Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

KRYESORE

Pas dorëheqjes së Fatmira Hajdarit, zgjidhet gjyqtarja relatore për çështjen e Bashës

Politiko 29 Prill 2020, 15:14
Pas dorëheqjes së Fatmira Hajdarit, zgjidhet gjyqtarja relatore

Pas dorëheqjes së Fatmira Hajdarit, relatore e çështjes së gjykimit të kryedemokratit Basha për lobimin rus do të jetë gjyqtarja Shpresa Becaj.

Seanca do të mbahej më 23 prill, por u shty për më 30 prill, pra nesër, ora 10, për shkak të dorëheqjes se Hajdarit.

Mësohet se Becaj u zgjodh ditën e sotme pas procesit të rishortimit. Kujtojmë se gjyqtarja Fatmira Hajdari u dorëhoq nga çështja e Bashës për shkak të konfliktit të interesit.

Dorëheqjen e argumentoi me faktin që çështja të mos paragjykohet.

“Basha ka qenë disa herë në shtëpinë time si kryetar i opozitës në ceremonitë për bashkëshortin tim. Pres që kërkesa ime të pranohet”, deklaroi Hajdari.

Gjykata e Tiranës rrëzoi akuzat ndaj Bashës, Ristanit dhe Dervishit për falsifikim formularësh në çështjen e lobimit pasi nuk ekzistojnë prova. Në 41 faqe vendim të gjykatës së Tiranës thuhej se nuk ekziston fakti penal. Sipas hetimit gjyqësor ka rezultuar se PD s’ka pasur kontratë lobimi me kompaninë “Biniada Trade”.

Prokuroria nuk ishte dakord dhe vendosi ta apelonte vendimin.

Të fundit