Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

Situata në Maqedoni, BE zyrë ‘emergjence’ në Shkup

Politiko 3 Maj 2017, 21:22
Situata në Maqedoni, BE zyrë ‘emergjence’ në Shkup

Mediat greke bëjnë me dije se Komisioni Europian duke parë gjendjen në ish-Republikën Jugosllave të Maqedonisë, ka krijuar ditët e fundit në Shkup zyrën e menaxhimit të informacionit me përfaqësimin e gjithë vendeve anëtare, midis të cilave është edhe Greqia.

Siç shkruajnë gazetat “Eleftheros Tipos” dhe “Ethnos”, qëllimi i kësaj zyre është të ndjekë nga afër zhvillimet në Shkup dhe të marrë masa emergjente për përballimin e situatave të tejskajshme.

Ajo që shqetëson zyrtarët grekë është rrëzimi i qeverisë aktuale dhe fundosja e vendit në një krizë të zgjatur ose në luftë civile që mund të çojë edhe në zhvendosjen e popullsive.

Për sa i përket palës greke, ajo përfaqësohet nga diplomatë dhe oficerë policie që komunikojnë drejtpërdrejt me Ministrinë e Jashtme, të Rendit , të Mbrojtjes dhe Shërbimin Informativ Kombëtar në Athinë.

Sipas “Ethnos”, Greqia ka filluar të marrë masa në kufijtë e saj me fqinjin verior para incidenteve që ndodhën në parlamentin e vendit. Në mesin e muajit të kaluar ministri grek i Rendit, Nikos Toskas, ka biseduar me homologun e tij në Beograd, Nebojsha Stefanovic,  për koordinimin e veprimeve në rast të një destabilizimi të mundshëm të Shkupit.

Masat që ka marrë Athina në rast të këtij skenari që askush nuk e do, përfshijnë përqendrimin e popullatës që do të shpërngulet në kufijtë me ish-Republikën Jugosllave pranë Kilkizit, ku do të krijohet një pikë që do të shërbejë për pritjen, regjistrimin dhe identifikimin e atyre që do të hyjnë për të kërkuar strehim në territorin grek, ku do të qëndrojnë deri në zbutjen e konfliktit të mundshëm./TCH

Të fundit