Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Tërheqja e vëzhguesve të KiE/ Basha: Vendim politik, i pari që pas rënies së komunizmit. Votimet e 30 qershorit janë nul

Politiko 26 Qershor 2019, 14:41

Tërheqja e vëzhguesve të KiE/ Basha: Vendim politik, i pari

Kryetari i opozitës Lulzim Basha tha në konferencën e dhënë për mediat se 30 qershori nuk mund të jetë ditë zgjedhjesh në Shqipëri, dhe sinjalin e parë për këtë, sipas tij, e dha Këshilli i Evropës.

Basha ju referua këtu tërheqjes së vëzhguesve të KiE-së për zgjedhjet vendore, për shkak të paigurisë në administrimin e zgjedhjeve dhe rreziqeve në disa zona.

kryeopozitari e cilësoi këtë akt si të vetmin rast që pas rënies së komunizmit.

“Për herë të parë nga rënia e komunizmit, Këshilli i Europës ka vendosur të mos dërgojë Delegacion Vëzhgues për zgjedhjet, pavarësisht ftesës që i ka bërë Qeveria shqiptare. Këtë vendim Këshilli i Europës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri”, tha Basha.

Duke e konsideruar tërheqjen e Këshillit të Evropës si një distancim nga 30 qershori, Basha theksoi se ky është një vendim qartësisht politik.

“Ky është një vendim qartësisht politik sepse është një tërheqje që Këshilli i Europës nuk e ka bërë as për zgjedhje të zhvilluara në zona konfliktesh të armatosura apo konflikti civil nga Ukraina në Gjeorgji nga Armenia dhe Azerbajxhani apo edhe gjatë konfliktit të armatosur në Maqedoni”, u shpreh kreu i opozitës.

Në lidhje me votimet e 30 qershorit, Basha tha se ato janë nul dhe një tentativë e Ramës për grusht shteti. Ai theksoi edhe një herë se zgjedhjet do të bëhen vetëm pas largimit të kryeministrit Rama.

“Në Shqipëri nuk ka dhe nuk ka për të pasur zgjedhje të lira dhe të ndershme për aq kohë sa Edi Rama është kryeministër dhe për aq kohë sa kriminelët e politikës dhe të rrugës që vodhën zgjedhjet në Durrës, Dibër dhe gjithë Shqipërinë të dalin para drejtësisë. Votimet e 30 qershorit janë nul, janë dhe do të jenë zero. Ato janë tentativë për grusht shteti i Edi Ramës për të rrëmbyer të gjithë qeverisjen vendore të Shqipërisë, me të njejtat banda dhe kriminelë që ka vjedhur edhe zgjedhjet e 2015-s dhe të 2017-s”, tha Basha.