Presidenti serb Aleksandar Vuçiq, ndodhet në Bruksel, ku po zhvillon takime me zyrtarë të lartë të BE-së.
Mediat e Serbisë raportojnë se ai ka shprehur besimin se bazuar në bisedimet në Bruksel, në fund të mandatit të qeverisë së re, përkatësisht më 2024, do të përfundojnë negociatat e pranimit midis Serbisë dhe BE-së, dhe sipas tij Serbia pritet të bëhet anëtare BE-së në vitin 2026.
Por ndërkohë, presidentja e KE Von der Leyen ka bërë thirrje palëve politike në Serbia që të ecin me reformat dhe dialogun me Kosovë. Sipas saj, kjo e fundit është thelbësore për integrimin europian të Serbisë.
Ursula von der Layen, shkroi sot në llogarinë e saj në Twitter se pati një bisedë të mirë me Presidentin e Serbisë, Aleksandar Vuçiç, në Bruksel, dhe tha se dialogu midis Beogradit dhe Prishtinës është thelbësor për integrimin e Serbisë në BE.
“Pas zgjedhjeve, është i nevojshëm një dialog i gjerë me të gjitha forcat politike për të ecur përpara me reformat e nevojshme për afrimin e Serbisë me BE-në. Dialogu me Kosovën është thelbësor. Ne gjithashtu do të mbështesim rimëkëmbjen pas pandemisë së Serbisë”, shkruan presidentja e KE në twitter.
Thank you for the good discussion @predsednikrs. After the elections, a broad dialogue with all political forces is needed to move ahead with reforms needed to bring Serbia🇷🇸 closer to the EU. The dialogue with Kosovo is key. We will also support Serbia’s post-pandemic recovery. pic.twitter.com/a1pYcb0b5a
— Ursula von der Leyen #UnitedAgainstCoronavirus (@vonderleyen) June 26, 2020
Financuar Nga Bashkimi Europian
