Është identifikuar personi që sot dha alarmin e rremë për bombë në makinën e gjyqtarit Markeliano Kuqo.
Sipas policisë bëhet fjalë për Neim Beharin, 34 vjeç, i cili po vuan dënimin në burgun e Drenovës për vrasje.
“Gjatë kryerjes së veprimeve hetimore rezultoi se ky shtetas, kishte telefonuar Policinë nga ambjentet e IEVP-së, duke pretenduar se në mjetin e gjyqtarit M.K, ishte vendosur lendë e dyshuar plasëse, e cila nuk u konstatua gjatë kontrollit të ushtruar”-thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
Discussion about this post