Flash News

Partia e Punëtorëve të Kurdistanit merr përgjegjësinë për sulmin terrorist në Ankara

Zjarr në një klub nate në Spanjë, të paktën 13 viktima

U godit nga një masiv gurësh, plagoset minatori në minierën e Bulqizës

Aksidentohet minatori në Bulqizë, dërgohet në spital

Ishte nisur për vrasje, kush është Aldi Mustafa, miku i “Rrumit të Shijakut”

Ditari i Maxhorancës

BE anuloi grantin, ministrja mbron projektin për Portin e Durrësit: Tymnajë me gjysmë të pavërteta

Politiko 24 Nëntor 2022, 12:26

BE anuloi grantin, ministrja mbron projektin për Portin e Durrësit:

Ministrja e Ekonomisë dhe Financës Delina Ibrahimaj ka mbrojtur projektin për Portin e Durrësit duke e cilësuar investimin më madhor në Shqipëri.

Nga Kuvendi, Ibrahimaj tha se debatet që janë bërë për marrëveshjen s’janë asgjë veccse tymnajë me të pavërteta.

“Kam privilegjin të prezantoj investimin më madhor në Shqipëri, të një investimi të huaj. Marrëveshjen për Portin e Durrësit, debatin e kam ndjekur dhe me keqardhje si qytetare shoh se ky nuk është një debat por dashakeqësi. Një tymnajë me gjysmë me të pavërteta. Si biseda kafenesh”, tha Ibrahimaj.

Ndërkohë, sot BE anuloi grantin prej 28 milionë eurosh në mbështetje të projektit. Në një reagim, zyra e BE-së në Tiranë thotë se në projekt janë bërë modifikime dhe se do të monitorohet marrëveshja.

Projekti për Portin e Durrësit ka shkaktuar seri debatesh mes deputetëve të opozitës dhe maxhorancës. Seanca e sotme u pasua nga debate dhe tensione për shkak të kohës që ishte lënë në dispozicion deputetëve të opozitës për të folur lidhur me projektin.

Tensionet e shkaktuara detyruan maxhorancën të mblidhte Konferencën e Kryetarëve dhe të tërhiqej nga vendimi për t'iu dhënë vetëm 2.57 minuta kohë për të folur.

Në rinisje të seancës kryeparlamentarja Lindita Nikolla deklaroi se çdo deputet do të kishte 10 minuta kohë për të folur Portin e Durrësit. 

Të fundit