Rama sulmon zyrtarin e BE-së: Kush është ky, me kë flet? Të hamë bar ne dhe të mos hapim gojën?

Kryeministri Edi Rama nuk ka dhënë një përgjigje konkrete sa i përket publikimit të programit nga PS. Ai e zhvendosi garën te lidershipi dhe jo tek ajo çfarë partitë ofrojnë për qytetarët.

“Qyetarët e kanë shumë të thjeshtë. Duhet të ballafaqojnë karakteret, pastaj programet dhe se çfarë është bërë. Kjo fillon nga karakteri i lidershipit dhe i forcës politike.

Ne do të ndajmë me qytetarët një platformë për Shqipërinë e vitit 2030. Vetëm ne jemi në gjendje të bëjmë atë që qytetarët duan. Së shpejti do kemi mundësi ta ndajmë këtë vizion me qytetarët”, u shpreh kryeministri.

I pyetur mbi deklaratën e Koordinatorit për Politikën e Jashtme dhe Zgjerimin në Parlamentin Europian, Michael Gahler, i cili tha se qeveria ka shkelur marrëveshjen e 5 qershorit dhe nuk ka përmbushur nga kushtet për hapjen e negociatave, Rama reagoi ashpër.

Kryeministri nuk i ndali ‘sulmet’ ndaj zyrtarit të BE-së, duke injoruar funksionin dhe deklaratën e tij. Ai tha se nuk e njeh Gahler dhe se nuk meriton vëmëndjen e medias.

Rama nuk kurseu as akuzat për opozitën, duke shtuar se është ajo që ‘furnizon’ ndërkombëtarët me lajme të tilla.

“Unë nuk e njoh kush është ky dhe nuk kam pse ti përgjigjem deklaratës së këtij. Këto që rreshtove janë prallë nga e kaulara, s’kanë lidhje me realitetin. Çfarë përgojimi ka këtu? Unë nuk kam përgojuar BE, kam thënë atë që thon ët gjithë për çështjen e vaksinës. Nuk ka nevojë ta mbrojë asnjë kordinator BE-në nga unë, e mbroj më mirë se ata unë.

Këta janë mësuar të flasin kështu, sepse furnizohen nga Tirana. Nuk kanë minimumin etik kur hapin gojën, me kë flet ai? Me shokun e tij  në kafene, në Babrru? Dëngla dhe dokrra të pakonceptueshme. Çfarë është 5 qershori, nuk e njoh. Ç’punë ka kordinatori? Pse ça jemi në këtu, të hamë bar?

Keni hall se përgojohet BE. Këto të gjitha janë përgojime që u rreshtuan aty, të pabazuara në fakte të vendit tonë. E di shumë mirë kush është fajtori, janë ata që nxjerrin rrugëve të botës tërë llafet e zeza për Shqipërinë. Duan të vijnë në qeveri me pseudoprograme dhe ofendojnë inteligjencën. Unë s’kam përgojuar BE.

Mos u jepni vëmendje tipave që ne vendin e tyre nuk i njeh njeri. Çfarë kanë këta që merren me ne gjatë gjithë kohës, s’kanë punë tjetër këta?”-tha kryeministri Rama.