Flash News

Ftohtë dhe ngrica, parashikimi i motit për sot

Abuzimet me fondet, KQZ kërkon gjoba për PS, PD dhe 103 parti të tjera

Aksident në Maliq, "Benzi” përplas furgonin, përfundon në kanal

Ekzekutoi 41-vjeçarin, kush është autori i vrasjes në Fier

Sherr mes adoleshentëve në Tiranë, plagoset 15-vjeçari

Ditari i Maxhorancës

Sot pranoi fajësinë për dosjen shqiptare, si e mbronte Rama ish-shefin e arrestuar të FBI: Ka qenë dhe është miku im

Politiko 22 Shtator 2023, 22:35

Sot pranoi fajësinë për dosjen shqiptare, si e mbronte Rama

Ish-zyrtari i FBI-së, Charles McGonigal ka pranuar fajësinë në një seancë të premten pasdite për akuza lidhur me faktin se ka marrë dhe fshehur 225,000 dollarë nga një ish-oficer i inteligjencës shqiptare, i cili sipas të dhënave të gjykatës u bë burim në një hetim të FBI-së.

Pranimi i fajësisë bë gjykatën e Uashingtonit është një ndryshim nga deklarimi i tij si i pafajshëm në fillim të procesit.

Sipas njoftimit të shpërndarë nga Departamenti i Shtetit, McGonigal ka pranuar fajësinë dhe rrezikon deri në 5 vjet burg.  

Sipas mediave botërore ai ka pasur takime edhe me kryeministrin Edi Rama, madje opozita shqiptare kërkon ngritjen e një komisioni parlamentar që të hetojë pretendimet e tyre lidhur me korruptimin nga qeveria e kryeministrit Rama të ish-zyrtarit të lartë të FBI, Charles McGonigal, me qëllim që ky i fundit të nxiste hetime nga FBI per financim me para ruse të përpjekjeve lobuese në SHBA të opozitës shqiptare. 

Rama i ka mohuar vazhdimisht këro akuza, por ka pranuar publikisht se Charles McGonigal ka qenë dhe vazhdon të jetë miku i tij.

“Shefi i Kundërterrorit i FBI-së ka qenë dhe është miku im nuk diskutohet. Nëse ai ka një çështje të tijën me drejtësinë në SHBA kjo është çështje e tij me drejtësinë atje. lëreni të flasë drejtësia në SHBA. Nuk bëhet drejtësia e nuk nxirren fajtorët e nuk bëhen akuzat në këtë farë feje se është e tmerrshme. Dhe nuk është e tmerrshme për mua sepse nuk kam asnjë problem dhe për sa kohë vijoj në këtë detyrë i kam marrë parasysh dhe pres më shumë se kaq, i pres të gjitha.

Por është e tmerrshme për këtë popull për këtë vend, për gjithë ato që ne i konsiderojmë vlera shqiptare e parime e tradita. Çfarë të them më shumë se kaq. Bëhet fjalë për një çështje në SHBA që s’ka asnjë lidhje me mua, me qeverinë shqiptare, biznes të çfarëdollojshëm, me këtë teori i bie që ne nuk duhet të takojmë askënd sepse nesër dikush mund të ketë një problem me drejtësinë në vendin tij. Kjo është çmenduri”, deklaronte Rama.

 

Të fundit