Flash News

Lobimi/ Sqaron Celibashi: PD s’ka asnjë detyrim të depozitojë dokumente

Fushata anti-amerikane e Edi Ramës

SPAK nis hetim për takimet e ish-shefit të Rrugores, merr në pyetje dy shefa komisariatesh

Zbardhet pas 7 vitesh krimi në Voskopojë, Antonio Karafili nuk u vetëvar, lëshohet urdhër arrest për ish të dashurën

Po kalonte trafikndarësen, përplaset për vdekje këmbësori pranë ish-sheshit “Shqiponja”

Ditari i Opozitës

"910 mijë votues nën monitorim", Alibeaj: PS po përdor të dhënat personale të qytetarëve nga e-Albania

Politiko 11 Prill 2021, 13:53
"910 mijë votues nën monitorim", Alibeaj: PS po përdor
Ish-deputeti Enkelejd Alibeaj

Partia Demokratike ka denoncuar përdorimin e të dhënave personale të portalit e-Albania nga Partia Socialisite. "Shkelje flagrante e privatësisë së qytetarëve", e konsideroi ish-deputeti Enkelejd Alibeaj përmes një deklarate për mediat.

Ai tha se në selinë e PS janë vendosur kompjutera dhe servera që përgjojnë dhe përdorin të dhënat personale të qytetarëve nga portali e-Albania. Referuar investigimit të një mediaje, Alibeaj tha se Partia Socialiste disponon një databazë ku janë të përfshira të dhëna konfidenciale të 910 mijë votuesve të Tiranës nga 19 deri në moshën 99 vjeç.

"Dokumenti përmban të dhënat personale të secilit prej nesh, si numrat e telefonit, numrin e kartës së identitetit, numrin e qendrës së votimit, vendin e punës për shumicën e të regjistruarve dhe një përshkrim të përkatësisë politike për secilin prej qytetarëve të Tiranës, praktikisht është fryti i një pune monitorimi të qytetarëve, që ka në themel të saj, të dhënat që ne ia kemi besuar shtetit", tha Alibeaj.

Ky i fundit shtoi se PD po përgatit një padi në SPAK lidhur me këtë çështje. Ai shtoi se kryeministri Edi Rama dhe zyrtarë të PS-së kanë konsumuar vepër penale.

"Përdorimi i të dhënave personale, numrit të kartës së identitetit, telefonit apo të dhënave të tjera personale nga Edi Rama dhe zyrtarë të PS është i dënueshëm dhe për të mbrojtur të drejtën e qytetarëve, PD do ta ndjekë hap pas hapi në rrugë ligjore këtë çështje", tha ndër të tjera Alibeaj.

Të fundit