Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Gara për Tiranën/ Këlliçi: Kandidati duhet të jetë një figurë politike nga radhët e të djathtës

Politiko 25 Shtator 2025, 15:52

Gara për Tiranën/ Këlliçi: Kandidati duhet të

Belind Këlliçi tha në MCN se nuk shtrohet për diskutim nëse Partia Demokratike do marrë apo jo pjesë në zgjedhjet e pjesshme lokale.

Sipas Këlliçit, kandidati i opozitës për zgjedhjet e parakohshme bashkiake në Tiranë duhet të jetë një figurë politike nga radhët e të djathtës që do duhet të gjenerojë një kohezion politik më të gjerë se veç PD-ja.

“Nuk besoj se ka njeri nga radhët e PD që thotë ne nuk do të shkojmë në zgjedhje. Kanë thënë që do të kemi vendimmarrje në forumet sa i përket kandidaturave, afateve. Nuk shtrohet për diskutim pjesëmarrja jonë në zgjedhje edhe pse ende nuk është mbyllur historia e farsës elektorale e 11 majit. 

Do duhet të dalim me një kandidaturë që të gjenerojë konsensus dhe kohezion edhe përtej radhëve të PD-së. Unë mendoj fort se duke qenë se kjo është një garë ku personi që do garojë do të garojë për figurën e dytë politike më të rëndësishme, sigurisht mendoj që profili i kandidatit tonë duhet të jetë profil politik. Profil që të gjenerojë sa më shumë mbështetje edhe përtej PD-së, edhe tek partitë e vogla dhe të formalizojmë një koalicion të gjerë.

Keni parë dhe kandidatura që janë shprehur qartazi që nuk dëshirojnë të kandidojnë në këtë fushatë. Duke qenë se dy personat që kanë qenë dhe në listën e hapur, Tabaku dhe Alimehmeti për shkak të planeve dhe projektit të tyre politik nuk preferojnë, do duhet që PD të shohë emra të tjerë, jashtë këtyre radhëve. Duke qenë se kanë qenë më të votuarit, i takonte të ishin kandidaturat më potenciale. Jemi në fazë konsultimi.

Për mua do duhet të jetë një figurë politike. Unë gjykoj që do të duhet të jetë një figurë politike nga radhët e të djathtës që do duhet të gjenerojë një kohezion politik më të gjerë se veç PD-ja.”

Më tej Këlliçi tha se ka kërkuar që opozita të ketë një aksion radikal politik dhe një kushtëzim të marrëdhënieve me Parlamentin.

“Qëndrimi im politik ka qenë dhe më parë i prerë për një aksion radikal politik që do të vijë i përshkallëzuar. Nuk mundet të nisë brenda 24 orësh dhe të kalojë në ekstremitete. Kam kërkuar kushtëzim të marrëdhënieve me parlamentin nga ana PD.”

Të fundit