Flash News

Hetohet për aferën 5D, lirohet nga qelia ish-drejtori i Bashkisë Tiranë

U tërhoqën zvarrë nga policia, 6 protestues përfundojnë në komisariat

Ndërruan jetë në vendin e punës dy oficerë policie të 313, reagon Drejtoria e Burgjeve

Këmbimi valutor 30 qershor/ Me sa blihen e shiten dollari dhe euro

Temperaturat shkojnë deri në 37 gradë, njihuni me parashikimin e motit

Ditari i Opozitës

Tomor Alizoti me të rinjtë në Berat: Mos humbni kohë a jam burrë i mirë apo jo, rrogëtar jam si ju

Politiko 2 Shkurt 2021, 16:37
Tomor Alizoti me të rinjtë në Berat: Mos humbni kohë a jam
Tomor Alizoti, drejtues politik i PD ne Berat

Drejtuesi politik i PD në Berat, Tomor Alizoti zhvilloi një takim me të rinjtë në këtë qytet, ku dhe mbajti një fjalim para tyre.

Gjatë fjalës, Alizoti u premton të rinjve beratas se kutitë fituese do kenë përparësi dhe do vlerësohet në PD.

Ndërsa e ka cilësuar situatën kritike, drejtuesi politik motivon të rinjtë se duhet të luftojnë për të ardhmen e tyre, ndryshe nga kundërshtari i tij Blendi Klosi që sipas tij do të bëjë miliona.

“Parësore është dilni kapni këdo që njihni, mos humbni kohë nëpër kafene duke bërë analiza a është Alizoti burrë i mirë apo është burrë i keq. Se në fund ju do ngelni pa një pare në xhep.

Dilni, sepse unë jam një njeri si ju, rrogëtar jam dhe unë, mirë do ishte të isha milioner por nuk jam. Dhe e di në c’fazë jeni ju. Unë ju jap vetëm besën që po fituam, hapësirat tona janë maksimale.

Është bërë analiza, ose motoja ime, parulla ime ka qene: kutitë që do jenë plot, do kenë përparësi në Partinë Demokratike. Kush mbush kutit, madje po bëjmë pak histori, që në kohën e Jul Cezarit kur ishte perandor, i priste njerëzit tek dera në bazë të votave. Kush kishte më shumë, ishte në rresht të parë. Dilni ju në rresht të parë, që nesër të shkojmë te kryetari i PD që të kërkojmë hapësira për demokratët dhe për shqiptarët.

Nuk ka kohë fare. Kemi ndenjur të gjithë ne rrugëve. Këto dy muaj ia japim hakun rrugëve për të ardhmen tonë. Mendojeni seriozisht: situata është kritike, Edi Rama është një njeri negativ, por me taktika brilante. Të mos e lejojmë.

Mendojeni veten më 26 prill, do jetë Ed Rama prapë kryeministër. Ca do bëni ju? E di si do ju turret ju kryetari i bashkisë?  E di si do ju turret juve policia që vjen vërdallë?

Turruni sot, sot sepse ne kemi shansin, ta thyejmë në mes atë, dhe ta shkrijmë atë, sepse nëse Blendi Klosi do me bë miliona, ne luftojmë për punë. Ai lufton për të ruajtur milionat e eurove që ne si kemi parë në ëndërr”, thotë Alizoti.

Të fundit