Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

E SHPJEGUAR

A do shkojë PD e bashkuar drejt zgjedhjeve lokale?

Politiko 10 Tetor 2022, 19:59

A do shkojë PD e bashkuar drejt zgjedhjeve lokale?

Dora e shtrirë e kreut të PD, Sali Berisha për deputetët që mbështesin Enkelejd Alibeajn duket se ka dhënë sinjalet e para në kampin blu. 

Grupi i deputetëve nën drejtimin e Enkelejd Alibeajt shprehën gatishmërinë për bashkëpunim brenda PD në mënyrë që të shkojnë të bashkuar në zgjedhjet e ardhshme lokale, që pritet të mbahen në pranverë të 2023-shit.

Në njoftimin e për mediat, ata theksuan se zgjidhje e vetme për t’u përballur me regjimin e Edi Ramës është përballja me një kandidat të përbashkët të PD dhe opozitës në zgjedhje.

Për këtë, Alibeaj ka mandatuar Gazment Bardhin për çdo mundësi bashkëpunimi dhe daljes në zgjedhje lokale me një kandidat të vetëm të PD.

Pas 4 orësh mbledhje, vetë Bardhi tha se PD duhet të hyjë me një kandidat të përbashkët në zgjedhjet lokale, ndërsa theksoi se në bisedime nuk duhet të ketë kushte dhe as parakushte nga asnjëra palë.

“Do të shohim mundësinë për të pasur një kandidat të përbashkët që të rriten shanset për të fituar në mënyrë të konsiderueshme. Do të bisedoj për të parë se cili është qëndrimi i kolegëve që përfaqëson Paloka. Do të shpreh qëndrimin që do të mbajnë kolegët që më kanë mandatuar për këtë proces bisedimesh. As nuk hyjmë me kushte as nuk pranojmë kushte”, tha Bardhi. 

Pak pas Bardhit, erdhi edhe përgjigja e Berishës. Kryedemokrati u shprehur se nuk do të vendosë asnjë kusht, përveç primareve të cilat sipas tij janë ekzistenciale për PD.

“ As kam kushte dhe as nuk marr kushte. Mirëpres cilindo që dëshiron të kandidojë apo të propozojë, të debatojë. Hapje e plotë dhe totale. Nuk mund të tërhiqem nga primaret, kush i ekzistencës.
Nuk tërhiqet kush nga primaret. Nuk ka kërkuar njeri të tërhiqet nga primaret”, tha Berisha.

Kujtojmë se pak ditë më parë, Alibeaj tha se nuk kishte shanse për bashkëpunim me Berishën, por duket se mendimi i tij dhe i grupit të deputetëve që e mbështesin ka ndryshuar, duke shtuar mundësitë që PD të shkojë e bashkuar në zgjedhjet lokale të 2023-shit. 

 

Të fundit