Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Berisha: Maldiveve të Europës i doli kallaji, Rama si gjeli mbi pleh!

Politiko 3 Shtator 2025, 13:51

Berisha: Maldiveve të Europës i doli kallaji, Rama si gjeli mbi pleh!

Kryetari i Partisë Demokratike, Sali Berisha ka ngritur akuza të ashpra ndaj qeverisë dhe kryeministrit Edi Rama duke e cilësuar situatën aktuale në vend si degradim të plotë të shtetit.

Në një deklaratë për mediat, Berisha u shpreh se Shqipëria po humb çdo ditë imazhin e një vendi turistik dhe po shndërrohet në “vendin e gjirizeve” dhe të mungesës së ujit, pavarësisht se është ndër vendet më të pasura me ujë në Europë.

Berisha kritikoi reformën në menaxhimin e mbetjeve, duke theksuar se inceneratori i Tiranës do ta ndjekë Ramën “gjithë jetën”, teksa e ka cilësuar kreun e qeverisë si një "gjel mbi pleh".

Teksa ka listuar një sërë problematikash që po përballet vendi ynë si pasojë e keqqeverisjes, Berisha ka akuzuar kyeministrin Rama si një individ që po e kthen vendin sipas tij në një shtet të centralizuar, më keq se në diktaturë.

Pjesë nga fjala e Berishës

Çdo ditë, fatmirësisht që në Shqipëri vijnë mijëra e mijëra turistë dhe miliona, por Maldiveve të Europës i doli kallaji.
Çdo ditë e më keq, Shqipëria paraqitet si vendi i gjirizeve, vendi i mungesës së madhe të ujit, ndonëse vendi më me ujëra në Europë dhe Edi Rama pasi shpenzoi 400 mln dhe e quajti reformën e të gjitha reformave, atë të plehut, u katandis si gjel mbi pleh, duke paraqitur para pak ditësh, një alternativë krejt tjetër, pa djegës dhe incenerator, ndonëse e garantoj se flakët e djegësit të Tiranës, do ta ndjekin gjithë jetën atë.

Tani, doli Agjencia Kombëtare e Ujit. Përpara ka patur një Këshill Kombëtar. Këshilli Kombëtar i Ujit është këshilli i cili përcakton reformën, por siç është ent rregullator, siç është edhe për Energjinë Elektrike.
Edi Rama pasi e shkriu Këshillin dhe e emëroi veten, kryetar të Këshillit Kombëtar të Ujit, tani mesa duket do të shkrijë, do ta marrë përsipër me një agjenci në mënyrë që ato para të ujësjellësve ti vjedhin vetë dhe të mos i vjedhin kryetarët e bashkive.
A ka gjë më qesharake, më të turpshme që të dëgjosh një kryeministër se ujësjellësat, një kryeministër që ka 12 vjet që qeveris, se ujësjellësat janë mbushur me të paaftë dhe militantë. Kush ja mbushi me të paaftë dhe militantë? Opozita.
Në këtë mënyrë narkoshteti po degradon dhe po copëtohet në mënyrë të pashmangshme. Po reduktohet në një person i cili beson se, ka të gjitha aftësitë, në fakt nuk është gjë tjetër, veç një hajdut ordiner që zhgarravit gjithë ditën dhe nuk ka absolutisht asnjë haber, as nga qeverisja as nga politika, por që shkon nga një vend në një tjetër, thashë dhe njëherë si zhgarravitës.

Të mendosh se, tu heqësh bashkive atributet më themelore, furnizimin me ujë dhe pastrimin e qytetit, zgjidhjen e depozitave, do të thotë se je njeriu më i pangopur, që edhe pas çdo kilogrami pleh, sheh diçka të fusësh në xhep.
Si mundet më thoni ju mua. Por ky ka parasysh ministrinë e Enver Hoxhës. Megjithatë ju garantoj se, decentralizimi i pushtetit vendor gjatë diktaturës, ka qenë absolutisht më i madh shumë se sot, më i madh. Një fshatar për të ndërtuar një shtëpi, paraqiste në Komunitet Ekzekutiv ose në lokalitet, dokumente dhe merrte lejen. Shtëpinë do ta ndërtonte brenda vijës së verdhë, që ishte plani urbanistik i diktaturës. Brenda vijës së verdhë, nuk paguante kujt, të jem i sinqertë me ju, askërkujt, asnjë gjë, përveç projektit, ndonjë inxhinier që mund të bënte.

Kurse sot, sot a e dini ju që është dhjetëfishuar, ua them me përgjegjësi të plotë, rryshfeti për një ndërtim, që kur e ka marrë Edi Rama në varësi dhe çdo ndërtim duhet të marrë firmën e tij. Çdo ndërtim.
Ua tregova historinë e një të njohuri tim që bleu dy motorra uji. Bleu motorët e ujit, të fitojë të paktën gjatë verës. Shkoi në kapitenerinë e Durrësit mori lejen. Shkoi në portin e Durrësit, mori lejen. Shkoi në bashkinë e Durrësit, mori lejen. Jo i thanë, duhet edhe nga qarku tani. Shkoi tek qarku, pagoi, mori lejen. Jo i thanë, duhet një leje nga ‘x’ drejtori në ministri. Shkoi dhe atje, pagoi, jo i thanë duhet edhe një firmë e asaj ministres.
Këta janë të shpërfytyruar. Pra kjo është, ndaj dhe sot nuk ka ministër që ka ndën 50 mln euro pasuri. Minimumi.

 

Të fundit