Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

"Pagat e ulëta, çmimet stratosferike"/ Berisha: Qeveria Rama po thellon varfërinë në vend

Politiko 3 Shtator 2025, 13:31

"Pagat e ulëta, çmimet stratosferike"/ Berisha: Qeveria

Kryetari i partisë Demokratike, Sali Berisha ka vijuar akuzat ndaj qeverisë për krizën ekonomike dhe thellimin e pabarazisë sociale, referuar raportit të Eurostat që tregonte se Shqipëria ka pagën minimale më të ulët në Europë për qytetarët dhe pagat më të larta për zyrtarë të lartë.

Në një deklaratë për mediat, Berisha u shpreh se situata ekonomike po i ngjan viteve të tranzicionit të thellë.

Ai theksoi gjithashtu se çmimet e produkteve bazë si djathi janë dy deri në tre herë më të shtrenjta në Shqipëri se në vendet fqinje apo në SHBA, duke i quajtur këto fakte si tregues të “çmendurisë ekonomike” dhe abuzimit me qytetarët.

Sipas Berishës, kjo është një politikë çnjerëzore e qeverisë që e thellon varfërinë dhe pabarazinë në vend.

Pjesë nga deklarata e Berishës

Por prisni, ka edhe tjetrën.
Kjo tabelë, ky grafik, çfarë tregon?
Tregon se ndër të gjitha vendet evropiane, Shqipëria ka pagën minimale më të ulët.
Ndërkohë që Shqipëria ka pagën maksimale, asnjë njeri në Ballkan, asnjë president, asnjë kryeministër, asnjë gjykatës, asnjë prokuror nuk merr rrogën e Altin Troplinit.

Jo, nuk i merr 7 mijë euro.
Rroga 7 mijë euro nuk njihet në Ballkan.
Por ku është problemi tjetër?

Në qoftë se nga viti 2023 në vitin 2025, rroga minimale nuk janë rritur, thotë Eurostat- mos dëgjoni gënjeshtrat e edi Ramës dhe INSTAT-it të Edi Ramës- nuk janë rritur thotë, çmimet janë stratosferike.
Pyesni ju një amvisë, shkon dhe blen ilaçin për lavatriçe 35 euro pakon, në një kohë kur në Gjermani DASH shitet me 17-18 euro.

Shkoni blini djathin. Jo, pse mora këtë, ju garantoj se me këto çmime, do plasë morri në të katër anët e vendit. Dhe zgjebja.
Kush është ai që mund të lajë?
Kjo është një çmenduri mo.
Në qoftë se ti e shet ilaçin larës me 35 euro...

Domethënë, çfarë do hanë njerëzit nëse blejnë në këtë mënyrë.
Jo, nuk e dini ju këtë. Kthehemi në vitin 1992.
Shqipëria përjetoi epideminë e zgjebes në mbarë vendin.
Nuk mund ta blejë ai më. 35 euro për një DASH pluhur.

Shikoni djathin, e keni tre herë më shtrenjtë se në SHBA. E keni dy herë e gjysmë më shtrenjtë se në Greqi.
Po këto janë gjërat më elementare.
Pra, rroga minimale mbetet ajo, në një kohë kur të gjitha mjetet e higjienës, të gjitha produktet ushqimore rriten mbi mesataret e çmimeve në BE.
Kjo është e vërteta.