Ecuri në 7 ditët e fundit, por Shqipëria mbetet ndër shtetet me numrin më të ulët të popullsisë së vaksinuar

Foto ilustruese

Kryeministri Edi Rama publikoi sot grafikun e barometrit global, që tregonte se kurba e vaksinimit në Shqipëri në shtatë ditët e fundit është rritur ndjeshëm.

Por pavarësisht kësaj, Shqipëria mbetet një ndër shtetet me numrin më të ulët të vaksinuarëve. Sipas të dhënave nga "World in data" të përpunuara nga "Monitor", të dhënat për Shqipërinë nuk janë përditësuar që nga 24 shkurti.

Sipas të dhënave të ministrisë së Shëndetësisë janë vaksinuar më shumë se 192 mijë persona ose rreth 6% e popullsisë. Me këto tregues, Shqipëria mbetet në listën e vendeve të Europës që kanë administruar më pak doza në raport me popullsisë.

Sa i përket vaksinimit në rang global, më mirë ka ecur Izraeli, i cili ka vaksinuar 60% të popullsisë, i ndjekur nga Mbretëria e Bashkuar (46%), Kili (36%), Bahrejni dhe SHBA me nga rreth 30% secili. Mesatarja e Europës është rreth 13%, ndërsa ajo globale 4.4%.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm