Flash News

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Kush mund të jetë Papa i ardhshëm? 6 emrat e mundshëm

Pse vetëm një parti po bën fushatë në Shqipëri?

Makina bie nga ura në Pogradec, plagosen nënë e bijë

E-TJERA

Çështja “Beleri”, Dhoma e Avokatisë greke: Shqipëria ka shkelur Konventën Europiane të të Drejtave të Njeriut

Politiko 18 Shtator 2023, 14:07

Çështja “Beleri”, Dhoma e Avokatisë greke:

Dhoma e Avokatisë greke ka dalë në një konferencë lidhur me çështjen e Fredi Belerit, kryebashkiaku i zgjedhur i Himarës.

Sipas kreut të saj, Shqipëria ka shkelur Konventën Evropiane të të Drejtave të Njeriut, sipas së cilës nuk mund të pengohet një kryebashkiak të marrë detyrën e tij, kur nuk ka një dënim penal të formës së prerë.

Sipas Dhomës së Avokatisë, masa e paraburgimit është në shkelje të Konventës.

“Sa i përket çështjes Beleri. Pika e parë është shkelja e nenit 3 të Konventës Europiane të të Drejtave të Njeriut, e cila thotë se kur një organ i zgjedhur pengohet që të marrë detyrën e tij, kur nuk ka një dënim penal të formës së prerë që e ndalon këtë gjë, sipas ligjit të justifikojë rënien e tij nga detyra. Në këtë rast kur kemi paraburgim kur nuk përfshihet një gjykim i parevokueshëm, ai shmanget nga detyrimi për të ushtruar detyrën si kryebashkiak ku është zgjedhur të mbështesë interesat e atyre që e kanë zgjedhur. Masa e paraburgimit është në shkelje të nenit tre të protokollit të konventës. Kemi dhe shkelje të nenit 10 të konventës ku kemi një mohim që e ndalojnë atë të ushtrojë funksionin e tij dhe shkel të drejtën e shprehjes politike.

Kjo është një gjendje që e ndalon të përfaqësojë votuesit e tij. Bie ndesh sa i përket efektivitetit të zgjedhjeve të mbajtura më 14 maj duke minuar kështu vullnetin e popullit. Unë nuk futem fare nëse ka apo jo faj, këtë do ta zgjidhin gjykatat e Shqipërisë. Kemi dhe shkelje sa i përket parimit të proporcionalitetit se çfarë kërkon ligji dhe çfarë po bazohet. Dënimi prej 4 muajsh, një shkelje e supozuar për ne është jo proporcionale. Mund të jetë paraqitje në organet përkatëse, por jo në këtë masë. Kam dëgjuar Ramën të flasë për pavarësinë e gjyqësorit, por unë nuk e shoh këtë gjë”, tha në deklaratë kreu i saj.

Të fundit