Flash News

Njihuni me këmbimin valutor 1 dhjetor 2023

Dita nis me kthjellime dhe vranësira, parashikimi i motit për sot

Emri/ Qëllohet për vdekje shqiptari në Greqi

Ky është kryekomisari i arrestuar sot në Korçë

Makina përplas punonjësin e policisë në Durrës

E-TJERA

Atentati në Dukagjin, policia e Shkodrës: Kemi një autor të dyshuar, i afërm me "shënjestrat"

Politiko 29 Shtator 2023, 10:19

Atentati në Dukagjin, policia e Shkodrës: Kemi një autor të

Drejtori i Policisë së Shkodrës, Ervin Holdaj në një konferencë për mediat sot tha se ka një të dyshuar për vrajën e Zef Gurit dhe plagosjen e djalit të tij, Gjin Guri, dy ditë më parë në Dukagjin.

Sipas tij, dyshohet se autori i krimit të ketë lidhje familjare me viktimën dhe të plagosurin. Shkak për ngjarjen, sipas Hodajt, dyshohet se është zaptimi i tokave pyjore.

“Për ngjarjen e ndodhur më datë 27.09.2023, rreth orës 18:20, në aksin rrugor Kir-mali i Shoshit, ku u vra me armë zjarri shtetasi Z. G., 73 vjeç dhe u plagos rëndë djali i tij, shtetasi Gj. G., të cilët po udhëtonin me një kamionçinë në drejtim të Shkodrës, grupi hetimor, në drejtimin e Prokurorisë, kreu një sërë veprimesh në funksion të zbardhjes së ngjarjes. Nga hetimet e deritanishme dyshohet se autor i kësaj ngjarjeje është shtetasi Gj. G., i cili është shpallur në kërkim nga DVP Shkodër edhe për vepra të tjera penale.  

Motivet e kësaj ngjarjeje dyshohet të jenë konfliktet dhe kanosjet e vazhdueshme me palën e dëmtuar, për shkak të zaptimit dhe shfrytëzimit të hapësirave dhe sipërfaqeve pyjore në zonë.

Për kapjen e shtetasit Gj. G., janë angazhuar strukturat e Drejtorisë Vendore të Policisë Shkodër, Reparti Special “RENEA” dhe Njësia Alpine. Aktualisht vijojnë kontrollet në zonat e thella të Dukagjinit”, deklaroi Hodaj.

Autori i dyshuar është identifikuar si Gjovalin Guri, nipi i Zef Gurit. Gjovalini dyshohet se ka ekzekutuar xhaxhain e tij pas një konflikti për shfrytëzimin e sipërfaqeve pyjore për kultivim kanabisi.

Të fundit