Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

"Ka lidhje të forta politike në Shqipëri", pse është Amant Josifi një 'gur i çmuar' për Spanjën

Politiko 15 Shtator 2023, 10:17

"Ka lidhje të forta politike në Shqipëri", pse

Policia e Dubait ka arrestuar më 6 shtator Amant Josifin, ish-këshilltar i Olta Xhaçkës. Josifi ishte shpallur në kërkim ndërkombëtar nga autoritetet spanjolle, për mashtrim me call center-a.

Gazeta spanjolle “El Pais” ka zbërthyer lidhjet e Josifit me mashtrimin i cili futi në kurth rreth 17 mijë shtetas nga vendet e Bashkimit Evropian.

Josifi është pronar i disa call centera-ve të regjistruara një vit më parë në Shqipëri, nga të cilat policia dyshon se ‘viktimat’ e rrjetit janë thirrur për të ofruar investime false, shkruan “El Pais”. Ndaj tij gjykata ka lëshuar një urdhër-arresti ndërkombëtar për krimet e organizimit kriminal dhe mashtrimit.

Spanja e ka konsideruar Josifin si një 'objektiv me vlerë të lartë' për hetimet. Ai konsiderohet si koka e grupit kriminal që mashtronte qytetarët e huaj me qëllim përfitim e vlerave të konsiderueshme monetare.

Josifi është i lirë, siç konfirmon avokati i tij, i cili siguron se ai ka tre vite që banon në vend. Gazeta spanjolle vë në dukje se Josifi nuk u arrestua dot nga policia shqiptare, por nga vendet partnere.

Josifi është një biznesmen me lidhje të forta politike me qeverinë Rama. Ai nuk është paraqitur para autoriteteve që po e kërkonin. Avokati i tij kërkoi që ai të paraqitej në këtë çështje dhe të mund të dëshmonte me videokonferencë. Arrestimi, sipas burimeve gjyqësore, është kryer përmes Interpolit. Josifi është i lirë, pa asnjë masë sigurimi, në pritje të paraqitjes së kërkesës për ekstradim nga gjykata e La Seu.

Josifi ra në gjurmët e autoriteteve pas denoncimit të një të moshuare të cilës i morën 800 mijë euro përmes mashtrimit. Policia pohon se rrjeti ka fituar 2.4 miliardë euro nga qindra mijëra shtetas të vendeve të BE-së.

Shtetasit e mashtruar besonin se po investonin në produkte financiare me përfitim të lartë dhe kriptovaluta, por në realitet paratë shkonin direkt në xhepat e organizatës kriminale, sipas hetimeve. Policia pohon se një nga markat nën të cilat ata vepruan është EverFX, e cila sponsorizoi Sevilla Fútbol Club.

Të fundit