Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mbyllet faza e inspektimit/ Komisioni i Inceneratorëve mbledh grupin e ekspertëve, në pritje të 28 dëshmive

Politiko 14 Shkurt 2022, 10:34

Mbyllet faza e inspektimit/ Komisioni i Inceneratorëve mbledh grupin e

Komisioni Hetimor i Inceneratorëve pritet të vijojë punimet me dëshmitë e përfaqësuesve të qeverisë qendrore dhe asaj vendore.

Pas inspektimit në tre inceneratorët e vendit në Tiranë, Fier dhe Elbasan, komisioni do të dëgjojë 28 dëshmitarë. Mes tyre janë ministra dhe ish-ministra, kryeministri Edi Rama, kryebashkiakë dhe ish-kryebashkiakë, si edhe biznesmenë e të përfshirë të tjerë në aferën e inceneratorëve, por edhe gazetarë që janë marrë me investigimin dhe denoncimin e rasteve.

Dëshmitarët që do të thërriten janë Edi Rama, Arben Ahmetaj, Erion Vëliaj, Engjëll Agaçi. Javën pasardhëse do të thërriten Emiriana Sako, Mirel Mërtiri, Ariola Kodra, Faraudin Arapi, Lorana Dusha, Klodian Zoto, Stela Gugallja, Qazim Sejdini, Bukurosh Stafa, Aleksandra Bogdani, Artan Rama, Agron Lamko, Luigj Aleksi, Reida Kashta, Rovena Beqiraj, Armando Subashi.

Komisioni i Inceneratorëve, ngritja e të cilit u propozua nga PD, ka dokumentuar faktet e të dhënat si edhe rezultatet e inspektimit. Sot pritet të zhvillohet seanca me grupin e ekspertëve, teknikëve dhe njohësve të procedurave ligjore, për të parë nëse është abuzuar me fondin 430 milionë euro për ngritjen e tre inceneratorëve.

Javën e ardhshme pritet që komisioni të dëgjojë dëshminë e 28 zyrtarëve dhe ish-zyrtarëve të lartë të qeverisë, biznesmenëve, zyrtarëve të qeverisë vendore dhe gazetarëve.

Kujtojmë se i pari që ra në ‘rrjetën’ e hetimeve është ish-ministri i Mjedisit Lefter Koka, i arrestuar nga SPAK nën akuzë për shpërdorim detyre, pastrim parash dhe marrje ryshfeti. Sipas SPAK, ish-ministri Koka ka shkelur procedurat dhe ka marrë ryshfet rreth 3.7 milionë eurosh.

Krahas Kokës, janë lëshuar edhe dy urdhra arresti dhe kërkimi nga SPAK, për dy bashkëpunëtorët e ish-ministrit me inceneratorin e Elbasanit.

Komisioni Hetimor rinisi punimet pas një pauze të shkurtër ku maxhoranca nuk pranoi që afati i komisionit të shtyhej me argumentin se koha ka qenë mëse e mjaftueshme për të hetuar dhe dokumentuar provat. Afati i punimeve për komisionin u shty deri më 25 shkurt.

Të fundit