Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

‘New York Times’: McGonigal krijoi një hetim nga FBI për një rival të Edi Ramës

Politiko 23 Shtator 2023, 18:46

‘New York Times’: McGonigal krijoi një hetim nga FBI për

Ish-zyrtari i lartë i FBI-së, Charles McGonigal u deklarua fajtor nga Gjykata Federale në Uashington për dosjen shqiptare, në të cilën thuhet se ka marrë 225 mijë dollarë nga ish-agjenti i inteligjencës, Agron Neza.

New York Times shkruan se McGonigal pranoi se kishte pranuar 225,000 dollarë këste cash nga Neza dhe se kishte udhëtuar në Shqipëri me të dhe kishte ndihmuar në dhënien e një licence për shpime nafte për një kompani të lidhur me ish-agjentin e inteligjencës.

McGonigal i kërkoi paratë si hua nga Neza, ndërsa diskutuan një sipërmarrje të mundshme biznesi, duke përfshirë formimin e kompanisë konsulente, së cilës ai iu referua në gjykatë, por nuk kishte kushte për kredinë dhe nuk u pagua kurrë.

“Ai përdori pozicionin e tij në përpjekje për të gjeneruar një pagesë prej 500,000 dollarësh për z. Neza nga një kompani farmaceutike e Evropës Lindore. Dhe ai krijoi një hetim të FBI-së për një lobist amerikan që punonte për një rival politik të kryeministrit shqiptar, Edi Rama, me të cilin zoti McGonigal kishte krijuar një miqësi. Hetimi nuk rezultoi me akuza”, thuhet në artikull.

Prokurorët e Uashingtonit ranë dakord të heqin tetë nga nëntë akuzat e ngritura fillimisht kundër tij në kohën e dënimit, shumica e të cilave kishin një dënim maksimal prej 20 vitesh burg.

Të fundit