Flash News

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

Gjendet një trup i dekompozuar në Kolonjë, dyshimet e para

E-TJERA

Pezullimi i fluturimeve, avokati i punonjësve: S'ka asnjë interes politik, cila është arsyeja kryesore

Politiko 7 Prill 2021, 15:19

Pezullimi i fluturimeve, avokati i punonjësve: S'ka asnjë interes

Avokati i punonjësve të “Albcontrol”, Rezart Kthupi ka hedhur poshtë akuzat e ministres Belinda Balluku dhe kryeministri Edi Rama se ata janë ndikuar për të protestuar nga partitë opozitare, duke thënë se nuk kanë asnjë lloj interesi të përfshihen në politikë.

Në një deklaratë për mediat pas pezullimit të fluturimeve në Aeroportin e Rinasit, Kthupi tha se kontrollorët nuk e kanë braktisur vendin e punës, por nuk ushtrojnë detyrën. Ai shtoi më tej se ulja e pagës së kontrollorëve nuk është arsyeja e vetme dhe kryesore e ndërprerjes së punës, pasi kryesore është ndryshimi i procedurave operacionale.

“E para, e kemi thënë që në fillim që kjo nuk është një grevë. Është një detyrim ligjor. Në momentin që kontrollorët ndihen në kushtet e paaftësisë për të ushtruar detyrën, ky është një detyrim ligjor që ligji shqiptar e njeh. Menjëherë nisën procedurat e shkarkimit nga puna. Kjo ka prodhuar stresin e gjithë kontrollorëve të tjerë, që mund të ndodhë të hiqen edhe ata nga puna.

Nuk është vetëm çështja e uljes së pagës, është vetëm një nga arsyet, kryesore është ndryshimi i procedurave operacionale, që kanë të bëjnë me sigurinë që ofron ky shërbim. Nuk jemi në kushtet e braktisjes së punës, kontrollorët vijojnë të shkojnë në vendin e punës, por nuk ushtrojnë detyrën. Braktisja e vendit të punës është mos shkuarja në punë pa asnjë arsye. Kjo nuk është një cështje politike, nuk kemi asnjë lloj interesi të përfshihemi në politikë. Ka dy kërkesa shumë të thjeshta nga kontrollorët, që nuk janë të komplikuara dhe të vështira për shoqërinë. Ne gjykojmë që nuk ka hapësirë ligjore për të cuar kontrollorët për ndjekje penale. Nuk ka asnjë ligj të shkelur. Kontrollori ka detyrimin të saktësojë që nuk është i aftë për punë, e ka detyrim ligjor. Nëse njëra palë e quan këtë shkelje ligjore, ne nuk e zgjidhim dot”, tha avokati.

I pyetur sesi janë ndier kur janë komentuar si sabotatorë të shtetit, avokati tha se ndihen më të stresuar.

‘Thjesht na është shtuar stresi. Njerëzit që janë pas meje ndjehen edhe më të stresuar. Ne kërkojmë respektimin e kontratës së punës, me parametrat dhe pagën që ka ajo. Largimi ose ndryshimi i orareve të punës sjell paaftësi ose vështirësi të kontrollorëve në ushtrimin e detyrës. ”, tha avokati.

Avokati Rezart Kthupi tha se punonjësit janë në pritje të zgjidhjes dhe se ende nuk e kanë marrë një vendim se çdo të ndodhë nesër pas ores 10:00

"Ne jemi ende në pritje të zgjidhjes së situatës. Pika e parë që u diskutua në takim me ministren ishte se ata që janë larguar nga puna, duhet të rikthehen. Këta njerëz, që u është filluar procedura e largimit, nuk rezultojnë të jenë në turne." tha avokati

Të fundit