“Gjoba se postoi foto me Kryemadhin”, Biznesmeni nxjerr SMS me Blendi Gonxhen nga presidenca; Meta: Nesër padia në SPAK

Presidenti Ilir Meta ka denoncuar se një biznes, pronar i një agjencie udhëtimesh, Erion Mane ishte ankuar te ai se ishte gjobitur pas një postimi që kishte bërë në rrjetet sociale dhe një takimi që ka patur në Presidencë.

Sipas Metës, në një konferencë për mediat, patronazhistët e PS-së që përndjekin qytetarët, ndërsa sipërmarrësi Mane tregoi bisedën me Blendi Gonxhen, drejtorin e Transportit Rrugor pas një sërë gjobave në adresë të biznesit të tij.

“Pas bisedës së gjatë me personin që mbaja shpresë se do gjeja zgjidhje dhe që ma dha të drejtë deri në orën 9:24, më vjen kjo foto personale në ‘Facebook’-un tim personal ku unë kam vendosur një foto dhe një thënie të Kryemadhit.

Dhe nën foto Gonxhe më shkruan, ‘asgjë nëse sipas teje uni i bie të jem ndonjë gjethe e kalbur’.

I them po ç’lidhje ka kjo me ju, njësoj se i kam shkruar Blendi Gonxhes jo Nasip Naços apo Lefter Kokës, të cilët kanë qenë gjethe të LSI.

Ai më thotë ‘I ke shkruar kujt po punon të ndreqë baltën tuaj. GJ.M.’ dhe nga ky moment më ka bllokuar.

Pas këtyre gjërave fillojnë të vijnë në formë të qeshure, informacionet për të gjithë familjen time nga patronazhistët.

Tek të dhënat e babait është numri i telefonit tim. Patronazhisti Erando Pengili.

Fotoja që kisha vënë në ‘Facebook’ ishte e para 2-3 muajve, ndërsa screen shot, thoshte para 2 orësh, që do të thotë ishte bërë më herët.

Pasi nuk mora përgjigje, iu drejtova presidentit. Do kërkoj dhe mbështetjen e ambasadorëve për të marrë azil politik. Jam i rrënuar gjatë gjithë kohës për gjëra që nuk më takojnë. Nëse unë dua të postoj një foto të kryeministrit është e drejta ime, po ashtu dhe të Presidentit dhe të çdo njeriu në Republikën e Shqipërisë”, deklaroi biznesmeni.

Nga ana tjetër, Meta siguroi se padia për këtë rast do të paraqitet nesër në SPAK.

“Jam gati madje do të kërkoj që nesër hetimin e kësaj çështje, Jam i zhgënjyer nga zoti Gonxhe. Se ai ka qenë student i dhjetorit. Madje tha se unë isha horr, presidenti i Republikës. Dhe pse? Sepse në prezencën time një polic bashkiak pa uniformë dhunoi një përfaqësues të FRD. E mos të reagojë.

Të dashur sipërmarrës të Republikës së Shqipërisë deri kur do të jetoni me shantazh? Deri kur? 10 mijë fuksa janë shtuar në administratë. 100 mijë vende pune janë mbyllur në Shqipëri nga falimentoni i bizneseve. Nesër do bëjmë padi. Erjonit do i vë një nga shoqëruesit e mi. Siç e kam thënë më i shoqëruar jam vetë”, tha Meta.