Flash News

Accident at "Shkalla e Tujanit", truck overturns in the middle of the road, driver injured

Vlora by-pass, work delays and cost increases

Milan are expected to give up on the transfer of Granit Xhaka

Inceneratori jashtë funksionit, përfshihet nga flakët fusha e mbetjeve në Elbasan

Accident on the Lezhë-Shëngjin axis, one injured

Ditari i Opozitës

Reforma territoriale, Berisha: Të diskutojmë me deputetët e PD-së dhe partitë aleate

Politiko 2022-10-05 14:19:56

Reforma territoriale, Berisha: Të diskutojmë me deputetët e

Kryetari i Partisë Demokratike, Sali Berisha, i bëri thirrje deputetëve demokratë dhe aleatëve të tjerë të opozitës, të ulen në tryezë dhe të diskutojnë mbi draftin për reformën territoriale.

Në mbledhjen e grupit parlamentar, Berisha iu referua draftit të dorëzuar nga disa deputetë demokratë të cilët propozojnë 94 bashki. Kryedemokrati i bëri thirrje të bashkohen bashkë me partitë opozitare dhe të arrijnë bashkarisht një draft që përkon me interesat e shqiptarëve.

"Në punën për reformën territoriale janë mbajtur parasysh ndryshimet e thella që ka pësuar vendi këto vite. Por janë marrë për bazë, dy projekte serioze të specialistëve shqiptarë dhe të huaj, të sponsorizuar nga qeveria e Zvicrës.

Sot dëgjoj që një grup deputetësh të po kësaj partie, në mënyrë të pavarur, kanë dorëzuar një draft me 94 bashki. Unë mendoj se ky draft i dorëzuar dhe ky që është përgatitur dhe është më i thelluar në çdo aspekt, të ulemi bashkërisht dhe të arrihet në një draft të PD-së, që të përfaqësojë interesat më të mira të qytetarëve shqiptarë.

Pra, nuk ka asnjë gjë, edhe një deputet i vetëm mund të mbështesë ligj, projekt apo reformë, kështu që ulja me ta në komisione dhe jashtë komisioneve, dhe gjetja e një ujdie për një projekt që ta mbështesin të gjithë deputetët e opozitës, duhet të diskutohet edhe me partitë aleate në parlament, duhet të diskutohet me Partinë e Lirisë, duhet të diskutohet me të gjitha partitë opozitare.

Natyrisht, ne kurrë nuk bëhemi pjesë e një loje të qeverisë dhe as të pazareve me të. Ne e kemi publik projektin. Projekti shpreh interesat më të mira", deklaroi Berisha.

Latest news