Dy turistet e humbura në Alpet Shqiptare janë gjetur sot në gjendje të mirë shëndetësore. Lajmin e dha Drejtori i Parkut Nacional, Admir Laliç. Dje ai tha se dy vajzat, Laura Sophie Veronika Mayer dhe Agata Patyczek, njëra polake dhe tjetra gjermane ishin shpallur të humbura dje pasi nuk kishin kontaktuar me familjet e tyre për një farë kohe.
Vajzat ishin futur në Mal të Zi nga Vermoshi dhe makina e tyre u gjet në Plavë. Menjëherë autoritetet në Shqipëri, Kosovë dhe Mali të Zi u vunë në kërkim të dy vajzave në “Bjeshkët e Namuna”, e pas disa orësh kërkimesh ato u gjetën.
