“Mamin e harruam në makinë”, vëllai i Liridona Ademajt tregon dyshimet për Naim Murselin dhe rrëfimin e fëmijëve

Vrasja e Liridona Ademaj Murseli ka tronditur jo vetëm Kosovën. 30-vjeçarja u vra në sytë fëmijëve dhe i dyshuari kryesor për ngjarjen është bashkëshorti i saj, Naim Murseli, që dyshohet se ka paguar 30 mijë euro vrasësin për t’i ekzekutuar gruan.

Leonard Ademaj, vëllai i Liridonës, ka folur ekskluzivisht për RTK-në, ku ka treguar fillimisht çfarë i ka thënë bashkëshorti i Liridonës, Naimi pasi ajo ishte vrarë. Një ditë pas vrasjes, Leonardi thotë se Naim Murseli nuk e hapte telefonin.

Dyshimet e tjera, sipas vëllait të së ndjerës, lindën kur Murseli hezitonte ta shikonte trupin e gruas së tij.

"Edhe Naimin e kam marrë edhe shkuam ta shoim. Po tha mundësinë për të parë Liriodnën veç nëse keni probleme shëndetësore mos e shikoni. Thash jo more unë jam rritur me të, dua ta shoh. Ai nuk dëshironte të hynte ta shikonte. Aty filluan edhe dyshimet e tjera. I tha djali i xhaxhait ec Naim se s’bën kështu ke jetuar 13 vjet me të", theksoi ai.

Leonardi thotë se në ditën e varrimit e ka thirrur në të njëjtin numër, të cilin një ditë më herët Naimi i kishte thënë se ia ka vjedhur grabitësi.

Dyshimi tjetër ishte te gjërat me vlerë që kishte Liridona, për të cilat atë natë ai kishte thënë se iu vodhën.

"Kur shkova në mjekësinë Ligjore ne i thamë Naimit, arin edhe gjerat me vlerë çka ka pasur Liridona i ke brenda. Nëse garbitësit e kanë vjedhur, Liridona ka pasur ar shumë, ia kishin marrë arin. Por, jo arin tha e ke këtu”, vazhdon rrëfimin për RTK-në, Leondardi.

Ai thotë se vrasja e motrës së tij ka ndodhur brenda veturës.

"Çka mundem të di, e çfarë na shkon mendja është se Liridona ka pasur sigurime në Suedi. Sigurimi në Suedi paguan shuma marramendëse nëse i ndodh një fatkeqësi njërit ose tjetrit prind. Ose mund të ketë qenë që ka mundur të ketë mbetur pa para, ka pasur borxhe edhe kaprivuar nga jeta motrën tonë për t’ia marrë paratë sigurimit", shpreh dyshimin e tij, Leonardi.

Leonardi tregon se çfarë i kishin thënë fëmijët në momentin e vrasjes së inskenuar përmes garbitësve. Mamin e harruam në veturë, i kishin thënë fëmijët dajës së tyre.

"Atë ditë ka ndodhur krejt rasti. Djali e kishte pas shtrënguar dorën shumë. Kur kam shkuar në polici më është afruar më ka përqafuar, dajë tha hajduti m’i kërkoi paratë po unë nuk ia dhashë e ka hapur dorën i kishte pasur paratë aty", rrëfen ai.