Flash News

KRYESORE

“Asnjë emër që ka shërbyer më parë”, ish-ministrat e Berishës që Basha ‘u bën dalje në qeverinë hije’

“Asnjë emër që ka shërbyer më parë”,

Kreu i Partisë Demokratike, Lulzim Basha deklaroi se nëse fiton zgjedhjet e 25 prillit, në kabinetin e tij qeverisës nuk do të ketë në përbërje asnjë nga ministrat që kanë shërbyer në qeveritë e kaluara.

Deklarata e Bashës erdhi mëngjesin e së hënës në një intervistë në ‘neës 24’, teksa shtoi se në qeverinë e tij është parashikuar të jenë persona me integritet, me profesionalizëm, që do të jenë në gjendje të mbajnë peshën e përgjegjësisë.

“Uji rrjedh, jeta rrjedh. Në qeverisjen time nuk do të ketë anëtarë të kabinetit, që kanë shërbyer në të kaluarën, por do të ketë anëtarë me integritet, me profesionalizëm, që do të jenë në gjendje të mbajnë peshën e përgjegjësisë.

Do të përbëhet nga individë, zonja e zotërinj të spikatur, në fushat e tyre profesionale, që do të bëjnë të mundur krijimin e një kulture të re politike. Kjo na karakterizon neve si ekip, por edhe mua. Politika sot është bërë një fjalë e pisët, sepse ka hyrë dhunshëm në jetën e shqiptarëve, duke rënduar problemet.

Ndërsa politika siç e shoh unë nuk mund të jetë një teatër, në kurriz të aspekteve të bashkëjetesës. Specialistët e fushave të ndryshme duhet të kenë hapësirën për të kontribuar. Ndo të thoja një ndryshim me çdo lloj përqasje ndaj qeverisjes që mund të kemi pasur në këto 30 vite, për t’i dhënë fund tranzicionit shqiptar”, tha Basha, i cili si duket ka vendosur të mbajë larg dikasterve të gjithë ministrat e mëparshëm që kanë shërbyer në qeverinë Berisha, apo qeveri te tjera. 

Le të kujtojmë se cilët kanë shërbyer më herët si ministra në dy qeveritë Berisha, emra që sipas Bashës nëse fiton zgjedhjet, nuk do të jenë në poste ministrore.

Qeveria e parë e Sali Berishës

Sali Berisha – kryeministër

Ilir Rusmaili – zëvendëskryeministër

Besnik Mustafaj – ministër i Punëve të Jashtme

Arenca Trashani – ministre e Integrimit

Sokol Olldashi – ministër i Brendshëm

Fatmir Mediu – ministër i Mbrotjes

Ridvan Bode – ministër i Financave

Genc Ruli – ministër i Ekonomisë, Tregtisë dhe Energjetikës

Aldo Bumçi – ministër i Drejtësisë

Lulzim Basha – ministër i Punëve Publike, Transportit dhe Telekomunikacionit

Genc Pollo – ministër i Arsimit dhe Shkencës

Maksim Cikuli – ministër i Shëndetësisë (2007 – 2008 Nard Ndoka) 2012 – Prill 2013 Vangjel Tavo

Koço Barka – ministër i Punës, Çështjeve Sociale dhe Shanseve të Barabarta

Jemin Gjana – ministër i Bujqësisë, Ushqimit dhe Mbrojtjes së Konsumatorit

Bujar Leskaj – ministër i Turizmit, Kulturës, Rinisë dhe Sporteve

Lufter Xhuveli – ministër i Mjedisit, Pyjeve dhe Administrimit të Ujërave

***

Qeveria e dytë e Sali Berishës (16 shtator 2009 – 10 shtator 2013)

Sali Berisha – Kryeministër

Ilir Meta- Ministër i Jashtëm dhe Zëvendëskryeministër

Majlinda Bregu – Ministre e Integrimit

Lulzim Basha – Ministër i Brendshëm

Arben Imami – Ministër i Mbrojtjes

Bujar Nishani – Ministër i Drejtësisë

Ridvan Bode – Ministër i Financave

Petrit Vasili – Ministër i Shëndetësisë

Dritan Prifti – Ministër i Ekonomisë, Tregtisë dhe Energjetikës

Myqerem Tafaj – Ministër i Arsimit dhe Shkencës

Sokol Olldashi – Ministër i Punëve Publike, Transporteve dhe Telekomunikacionit

Fatmir Mediu – Ministër i Mjedisit

Ferdinand Xhaferri – Ministër i Turizmit, Kulturës, Rinisë dhe Sporteve

Genc Ruli – Ministër i Bujqësisë

Spiro Ksera – Ministër i Punës, Çështjeve Sociale dhe Shanseve të Barabarta

Genc Pollo – Ministër Shteti

 

Me këtë renditje, rezulton se emrat e aleatëve si Fatmir Mediu, Nard Ndoka, Agron Duka, apo emra të tjerë kandidatësh si Edmond Haxhinasto  LSI, Petrit Vasili LSI, ndërsa nga PD emra si Ferdinand Xhaferri, Genc Ruli, Bujar Leskaj, Aldo Bumçi, Besnik Mustafaj dhe Genc Ruli të angazhuar në Komisionin e Vlerësimit të kandidaturave për deputetë të PD, nuk janë emra të përllogaritur në qeverinë ‘hije’ të Lulzim Bashës.

Të fundit