Posta e mëngjesit/ Me 2 rreshta: Çfarë pati rëndësi dje në Shqipëri

 

■ Jep dorëheqjen ministri i Brendshëm Sandër Lleshaj. Pasi vendimi u komunikua nga kryeministri Rama, Lleshaj renditi arsyet e këtij vendimi.

■ Tirana sërish në ‘flakë’ nga protesta për Klodian Rashën, sulmohen disa institucione, FNSH ndërhyn me ujë e gaz lotsjellës, plagos në kokë të riun.

E lidhur: Në protestë edhe vajza e Niko Peleshit: Në vend të tij mund të ishte secili prej nesh; Jo unë, mua më mbron mbiemri.

■ Kryeministri Rama reagon për vrasjen e Rashës: Efektivi i policisë vrau një njeri në mënyrë të pashpjegueshme, arma ishte e shtetit.

■ Protesta për vrasjen e 25-vjeçarit, arrestohen 3 organizatorët, shpallet në kërkim Stresi.

E lidhur: U lënduan në protestë, MSH: Lënë spitalin 15 policë dhe dy protestues, përveç efektivit që rrezikon njërin sy

■ "Shteti s'ka të drejtë të vrasë për sport", Tufa justifikon revoltën e qytetarëve: Duhej të ishte valle shkrumbi, që të mbetej shenjë në kujtesën e brezave. Kujdes nga propaganda!

■ Vrasja e Klodian Rashës nga një polic ka ngjallur protesta në të gjithë vendin. Pas Tiranës, Durrësit, Korçës dhe qytetesh të tjera protesta është përshkallëzuar edhe në Lezhë. Qindra të rinj, të revoltuar kanë bllokuar autostradën Shkodër-Lezhë.

■  Protesta për vrasjen e 25-vjeçarit, Klodian Rasha ka kaluar kufijtë. Shqiptarët në Britani, kanë kërkuar drejtësi për vrasjen dhe janë mbledhur para Ambasadës Shqiptare në Londër, me pankarta në duar dhe telefona me dritë ndezur, në shenjë revolte.

■ Protestat në Shqipëri pas vrasjes së 25-vjeçarit, Klodian Rasha dhe dorëheqja e ministrit të Brendshëm Sandër Lleshaj kanë bërë jehonë edhe në mediet e huaja. Euronews, Ansa, Reuters, taNea kanë raportuar ngjarjet.

■  Ministria e Shëndetësisë informoi mbi gjendjen shëndetësore të të lënduarëve gjatë protestës së djeshme. Sipas saj, 7 të lënduar po marrin shërbimin mjekësor, pranë spitalit të Traumës. Pesë punonjës policie dhe dy protestues janë dëmtuar, ku një prej të efektivëve ka frakturë të kërcirit.

■ 14 humbje jete nga Covid-19 në vend, rritet sërish numri i të infektuarve në 24 orë.

■ Këshilli i Lartë Gjyqësor ka shkarkuar nga detyra gjyqtarin e Korçës, Markelian Kuqo. Kuqo akuzohet se liroi nga burgu të dënuarin me burgim të përjetshëm Gert Gjinarari, i njohur ndryshe edhe si “Gjenerali”.

■ Një ngjarje e rëndë ka ndodhur paraditën e sotme në Gramsh, ku një grua me inicialet L.Z., është gjetur e mbytur në liqenin e Banjës.

■ Të zhdukur prej dy ditësh, gjenden të ekzekutuar në Maliq dy vëllezërit nga Pogradeci: Rreth 30 të shoqëruar në polici