Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

Rama-Abazoviç-Vuçiç iniciativë kundër Kurtit? Diplomati ‘anonim’ flet për takimin e fshehtë në New York

Politiko 29 Shtator 2023, 16:06

Rama-Abazoviç-Vuçiç iniciativë kundër Kurtit?

Kreu i demokratëve, Sali Berisha, tha nga konferenca e përjavshme me gazetarët se burime diplomatike nga SHBA-të kanë folur për një takim të fshehtë në Nju Jork mes treshes Vuçiç-Rama-Abazoviç.

Njësoj si Berisha edhe media serbe, e cila artikullin e shkruar anglisht, e ka botuar me titullin “Burimi i lartë diplomatik zbulon propozimin e paraqitur në Nju Jork që misioni i KFOR-it të udhëhequr nga NATO të marrë përgjegjësinë në veri të Kosovës”.

Në artikull thuhet se takimi u bë me dyer të mbyllura gjatë Asamblesë së Përgjithshme të Kombeve të Bashkuara, ku zyrtarë të rangut të lartë nga administrata Biden u angazhuan në diskutime të rëndësishme diplomatike me liderët nga Ballkani Perëndimor.

Sipas një burimi diplomatik të cilit i është referuar media “Pavlovic Today”, kryeministrat e vendeve të Ballkanit Perëndimor adresuan shqetësime urgjente me zyrtarët amerikanë në lidhje me veprimet destabilizuese të kryeministrit Albin Kurti në veri të Kosovës. Ata propozuan një zgjidhje.

“Sipas burimit tonë diplomatik, apeli për ndërhyrje është shprehur me zjarr nga “të paktën dy” kryeministra të vendeve të Ballkanit Perëndimor, përveç Serbisë, të cilët iu lutën urgjentisht Shteteve të Bashkuara për t'i dhënë fund “aktiviteteve destabilizuese” të kryeministrit Kurti brenda Kosovës. Ilaçi i propozuar u avancua gjatë takimit jozyrtar përfshinte besimin e forcave të NATO-s në Kosovë (KFOR) me autoritet të plotë mbi veriun e Kosovës, duke zëvendësuar në mënyrë efektive rolin aktual të Forcës Policore të Kosovës”, shkruhet në artikull.

Rama ofroi të njëjtin propozim një ditë më parë kur tha se është e nevojshme që KFOR- të marrë nën kontrollin veriun e Kosovës. Gjatë fjalës së tij, kryeministri tha se ishte propozim i të dyjave palëve, si Serbisë ashtu edhe Kosovës, deklaratë kjo që u hodh poshtë nga Prishtina.

“KFOR-i duhet të marrë në kontroll veriun. Çdo hezitim dhe vonesë dhe me argumentin e orëve të fundit se kemi apo jo trupa mund ta bëjë ndërhyrjen e nesërme të KFOR-it shumë më të madhe në trupa dhe vështirësi. Prandaj jam këtu sot dhe më vjen mirë që këtë e kërkon edhe Kosova KFOR-in në veri. Më vjen mirë që dje presidentja Osmani ka kërkuar ndihmën e SHBA-së për draftin e asociacionit. Nuk di cili është mendimi i aleatëve strategjikë për këtë kërkesë, por në thelb kërkesa është pozitive dhe është një hap në drejtimin e duhur nga ana e Kosovës”, tha Rama dje.

Vetë kryeministri Albin Kujrti u shpreh hapur kundër propozimit të Ramës.

“Për propozimin e kryeministrit shqiptar Edi Rama që KFOR-i të marrë kontrollin e veriut të Kosovës: “Ne kemi nevojë për patrulla të përbashkëta të policisë sonë dhe KFOR-it në kufirin mes Kosovës dhe Serbisë. E për sa i përket gjërave të tjera, kjo tashmë është vendosur. Kudo në Kosovë – e para që përgjigjet është policia jonë, pastaj EULEX-i dhe më pas KFOR-i. Dhe nuk mendoj se kjo formulë duhet ndryshuar”, ka thënë Kurti.