Një ngadalësim i shtrimit të atyre që kërkojnë kujdes intensiv mund të nënkuptojë që kulmi i krizës së Italisë është drejt rënies.
Shenjat fillestare të ngadalësimit të epidemisë së koronavirusit në Itali kanë filluar të shfaqen në të gjithë vendin ditët e fundit, sipas zyrtarëve, duke dhënë një dritë shprese (të kujdesshme) për kombet e tjera perëndimore, ku autoritetet po zbatojnë strategji të ngjashme të përmbajtjes – por ku niveli i infeksionit është ende në rritje të shpejtë.
Pas një bllokimi kombëtar që filloi në 10 Mars, Italia është bërë një test ndërkombëtar për të kuptuar dinamikën e përhapjes së virusit, dhe suksesin relativ të masave të rrepta për të ndaluar përhapjen. Megjithëse statistikat ndryshojnë, shumë vende që janë goditur fort mund të jenë rreth tre javë prapa Italisë në përhapjen e infeksionit.
Sipas autoriteteve italiane, sot në Itali u regjistruan 2886 raste të reja me COVID-19, duke e çuar numrin total në 88274. Lajmi i mirë është se ka rënë numri i personave në terapi intensive.
Ndërkohë numri i viktimave ka shkuar në 15362, ku 681 persona humbën jetën sot, ndërsa dje u shënuan 766 viktima. Janë 20996 persona të shëruar, dhe sot lanë spitalin 1480 të tjerë.
Financuar Nga Bashkimi Europian
