Në Itali vijojnë t`i bëjnë jehonë të madhe ndihmës me 30 mjekë dhe infermierë, që Shqipëria i dërgoi një ditë më parë për t`u përballur në vijën e parë të frontit në spitalet e vendit fqinj me të sëmurët nga koronavirusi. Ministri i Jashtëm i Italisë, Luigi Di Maio, ka publikuar një video mbrëmjen e të dielës ku shpreh përsëri falenderimin ndaj Shqipërisë.
“Egoizmi nuk na takon ne. Nga Shqipëria një mësim solidariteti. Faleminderit Kryeministrit Edi Rama. Këto janë vlera themelore që Evropa duhet t`ua transmetonte atyre që janë në vështirësi”, shkruan Di Maio.
Shqipëria nisi një ditë më parë 30 mjekë dhe infermier, të cilët u shpërndanë në rajonin e Lombardisë ku së bashku me mjekët dhe infermierët italianë do të ndihmojnë në përballimin e situatës së krijuar nga koronavirusi.
L’egoismo non ci appartiene. Dall’Albania 🇦🇱 una lezione di solidarietà.Grazie a Edi Rama. Sono questi i valori fondanti che l’Europa dovrebbe trasmettere a chi è in difficoltà.
Gepostet von Luigi Di Maio am Sonntag, 29. März 2020
Financuar Nga Bashkimi Europian
